ب. ساعىنتايەۆ ماسكەۋدە ەۋرازيالىق ەكونوميكالىق كوميسسيا كەڭەسىنىڭ كەزەكتى وتىرىسىنا قاتىستى

استانا. قازاقپارات - بۇگىن ماسكەۋدە ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ەۋرازيالىق ەكونوميكالىق كوميسسيا (ە ە ك) كەڭەسىنىڭ كەزەكتى وتىرىسىنا قاتىستى.

وتىرىسقا قاتىسۋشىلار كەدەندىك وداق جانە ءبىرىڭعاي ەكونوميكالىق كەڭىستىكتىڭ قىزمەت ەتۋى، ەۋرازيالىق ەكونوميكالىق وداقتى (ە ا ە و) قالىپتاستىرۋ اياسىنداعى ەڭ كوكەيكەستى ماسەلەلەردى قاراستىردى.

كۇن تارتىبىندەگى نەگىزگى تاقىرىپ قۇرىلىپ وتىرعان ەۋرازيالىق ەكونوميكالىق وداق ورگاندارىنىڭ اعىمداعى جىلدىڭ 29 - مامىرىندا قول قويىلعان ە ا ە و تۋرالى كەلىسىمگە سايكەس ءتيىمدى قىزمەتىن قالىپتاستىرۋعا باعىتتالعان ماسەلەلەر بولدى.

اتاپ ايتقاندا، ە ە ك قىزمەتكەرلەرىنىڭ اتتەستاتتاۋىن وتكىزۋ، ە ە ك قىزمەتتەرىنە كانديداتتاردى كاسىبي تالاپتاردى انىقتاۋمەن تاڭداۋ بويىنشا بايقاۋ كوميسسياسىن قالىپتاستىرۋ ماسەلەلەرى بويىنشا جالپى پوزيتسيالار شىعارىلدى. بۇل ماسەلەلەردى شەشۋ كوميسسيانىڭ ساپالى قۇرامىن قالىپتاستىرۋ ءۇشىن نەگىز قۇرۋعا مۇمكىندىك بەرەدى.

سونداي- اق ە ا ە و كەدەندىك زاڭناماسىن جەتىلدىرۋ بويىنشا جۇرگىزىلگەن جۇمىستى ودان ءارى جۇرگىزۋ بويىنشا كەلىسىمدەرگە قول جەتكىزىلدى. بۇل باعىتتاعى باسىمدىقتارعا بيزنەس قىزمەتى ءۇشىن پروتسەدۋرالاردى جەڭىلدەتۋ جانە ءتيىمدى جاعدايلار قالىپتاستىرۋ جاتادى.

كەڭەس وتىرىسىنىڭ بارىسىندا ەۋرازيالىق ەكونوميكالىق وداقتىڭ بارلىق حالىقارالىق پروتسەدۋرالارىنىڭ ساقتالۋى مەن مۇشە بولعان مەملەكەتتەردىڭ مۇددەسىن ەسەپكە الاتىن حالىقارالىق ىنتىماقتاستىقتى جۇزەگە اسىرۋ ءتارتىبى تالقىلاندى.

كەڭەس ە ا ە و- نىڭ بىرىكتىرىلگەن اقپاراتتىق جۇيەسىن قۇرۋ بويىنشا ەكى جىلدىق شارالار جوسپارىن ماقۇلدادى. بۇل جوسپار ينتەگراتسيالىق پروتسەستەردىڭ اياسىندا تولىق جانە وزەكتى مالىمەتتەردىڭ بەرىلۋىن قامتاماسىز ەتەدى. جوبانى ىسكە اسىرۋ بولاشاقتا ەكونوميكانىڭ ءتۇرلى سالالارىندا قىزمەتتى جوسپارلاۋ ماسەلەلەرىنىڭ كەڭ سپەكترىن شەشۋگە كومەكتەسەدى.

بۇدان باسقا، كوميسسيا زياتكەرلىك مەنشىك نىساندارىنىڭ قۇقىقتارىن قورعاۋ بويىنشا ارەكەتتەردى ۇيلەستىرۋ تۋرالى كەلىسىم جوباسىن ماقۇلدادى. بۇل جوبا اقپاراتتىق ءوزارا ارەكەتتەستىكتى ىسكە اسىرۋ جانە زياتكەرلىك مەنشىك قۇقىقتارىنىڭ بۇزىلماۋىنا كومەكتەسۋ ءۇشىن قۇقىقتىق نەگىزدى قۇرايدى.

جالپى العاندا، تالقىلاۋ قورىتىندىسى بويىنشا ىنتىماقتاستىقتىڭ وزەكتى اسپەكتىلەرى بويىنشا ءوزارا ءتيىمدى كەلىسىمدەرگە قول جەتكىزىلدى، دەپ جازادى primeminister.kz.