دەپۋتاتتار قازاقستاندا جاڭادان سالىنىپ جاتقان ۇيلەردىڭ ساپاسىنا الاڭداۋلى
ويتكەنى، الماتىدا بوي كوتەرگەن تۇرعىن ۇيلەردىڭ بىرىنە سانيتارلىق تالاپقا ساي ەمەس، ادام دەنساۋلىعىنا زياندى ماتەريال قولدانىلعان. ق ر پارلامەنتى ءماجىلىسىنىڭ جالپى وتىرىسىندا دەپۋتات ەكاتەرينا نيكيتينسكايا وسىلاي دەپ دابىل قاقتى.
ايتۋىنشا، سوڭعى كەزدەرى قۇرىلىستا قارقىندى قولدانىلا باستاعان پەنوپوليستيرولدى پانەلدەر اسىرەسە، باۋىر مەن جۇرەكتى زاقىمدايتىن كورىنەدى. سوراقىسى، دەپۋتاتتار بۇل ماتەريالدىڭ ايەلدەردى بالا ءسۇيۋ باقىتىنان ايىرۋعا قاۋقارى جەتەدى دەپ وتىر.
ال مامانداردىڭ جۇرگىزگەن زەرتتەۋى زياندى زاتپەن سالىنعان ۇيدەگى بالالار شىنىمەن دە اۋرۋشاڭ كەلەتىنىن دالەلدەدى. ماتەريالدىڭ تاعى ءبىر وسال تۇسى جانعىش كەلەدى. وسى رەتتە دەپۋتات ۇكىمەت باسشىسىنا ارنايى ساۋال جولداپ، سالىنىپ جاتقان نىسانداردى قاتاڭ سۇزگىدەن وتكىزۋدى سۇرادى.
ەكاتەرينا نيكيتينسكايا، ق ر پارلامەنتى ءماجىلىسىنىڭ دەپۋتاتى:
- پەنوپوليستيرولدى پانەلدىڭ زياندى تۇسى وتە كوپ. سوندىقتان كوپتەگەن ەلدەر اتالعان ماتەريالدى قولدانۋعا تىيىم سالعان. ءتىپتى، ودان جارىلعىش زاتتار جاساپ، بروندى تەحنيكالاردى جويۋعا قولدانىلادى. سوندىقتان بۇل ماسەلەگە ق ر پرەمەر-ءمينيسترىنىڭ ءوزى ارالاسىپ، جاۋاپتى ورگاندار قۇرىلىس ساپاسىن تەكسەرىستەن وتكىزۋىن سۇرايمىن.
24.kz
