پرەزيدەنت جولداۋىن جۇزەگە اسىرۋ بويىنشا كەشەندى جوسپار ق ر ۇكىمەتىنىڭ وتىرىسىندا قارالدى
دەپ جازادى primeminister.kz.
«ءبىزدىڭ مىندەتىمىز - ەل پرەزيدەنتى بەرگەن تاپسىرمالاردى قىسقا مەرزىمدە ءارى ساپالى ورىنداۋ»، - دەدى كارىم ءماسىموۆ ۇكىمەت مۇشەلەرىنە قاراتا ايتىلعان سوزىندە. پرەمەر- مينيستر تاپسىرمالاردىڭ اۋقىمدى ەكەنىن جانە ولاردى ىسكە اسىرۋ مەرزىمدەرى دە ناقتى كورسەتىلگەنىن، سوندىقتان «ارقانى كەڭگە سالۋعا ۋاقىتتىڭ جوق» ەكەنىن اتاپ كورسەتتى. وسىعان بايلانىستى پرەمەر- مينيستر ءتيىستى مەملەكەتتىك ورگانداردىڭ باسشىلارىنا ءبىرقاتار شۇعىل تاپسىرمالار بەردى.
«مەملەكەت باسشىسى ۇلتتىق قوردان 2015-2017 - جىلدارى ءار جىل سايىن 3 ميلليارد ا ق ش دوللارىنا دەيىن قوسىمشا قاراجات ءبولۋ كەرەكتىگىن جاريالادى. ۇلتتىق ەكونوميكا، قارجى جانە ادىلەت مينيسترلىكتەرى وزگە دە مۇددەلى ورگاندارمەن بىرلەسە وتىرىپ، ءتيىستى نورماتيۆتىك- قۇقىقتىق اكتىلەردىڭ جوبالارىن دايىنداسىن جانە ولار اعىمداعى جىلعى 14 - قاراشادا ۇكىمەت وتىرىسىندا قارالسىن»، - دەدى ك. ءماسىموۆ.
سونداي- اق، پرەمەر- مينيستر ۇلتتىق ەكونوميكا مينيسترلىگىنە اعىمداعى جىلعى 10- جەلتوقسانعا دەيىن 5 جىلعا ارنالعان ينفراقۇرىلىمدىق دامۋ جوسپارىنىڭ جوباسىن ۇكىمەت قاراۋىنا ەنگىزۋدى تاپسىردى. اتالعان جوسپاردىڭ ناقتى باعىتتارىنا جاۋاپ بەرەتىن مۇددەلى مينيسترلىكتەرگە 20 - قاراشاعا دەيىن تاقىرىپتىق بولىمدەردىڭ جوبالارىن ۇسىنۋ جۇكتەلدى.
پرەمەر- مينيستر ۇلتتىق ەكونوميكا مينيسترلىگىنە ۇستىمىزدەگى جىلعى 1- جەلتوقسانعا دەيىن كاسىپكەرلىك سۋبەكتىلەردى قارجىلاندىرۋدى قامتاماسىز ەتۋ بويىنشا ۇكىمەت پەن ۇلتتىق بانكتىڭ بىرلەسكەن ءىس- قيمىل جوسپارىن بەكىتۋ تۋرالى قاۋلى جوباسىن دايىنداۋدى تاپسىردى.
سونىمەن قاتار، كارىم ءماسىموۆ ۇلتتىق ەكونوميكا مينيسترلىگىنە پرەزيدەنت اكىمشىلىگىمەن جانە مۇددەلى مەملەكەتتىك ورگاندارمەن بىرلەسە وتىرىپ، ەلباسى جولداۋىن ىسكە اسىرۋ جونىندەگى جالپىۇلتتىق جوسپاردىڭ جوباسىن ازىرلەپ، ونى ۇكىمەتتىڭ كەلەسى وتىرىسىندا قاراۋ تۋرالى تاپسىرما بەردى.
«پرەزيدەنتتىڭ جولداۋدا بەرىلگەن ءاربىر تاپسىرماسى - بۇل ءاربىر باسشىنىڭ جەكە جاۋاپكەرشىلىگى. ونىڭ ساپالى ءارى مەرزىمىندە ورىندالۋىنا، مەملەكەت باسشىسى ايتقانداي، تالاپ وتە قاتاڭ بولاتىنىن» پرەمەر- مينيستر ەرەكشە اتاپ كورسەتتى.
«ءبىز جۇمىستىڭ ۇيلەسىمدىلىگى مەن ۇلتتىق قوردان بولىنگەن قاراجاتتىڭ ءتيىمدى ءارى ۇتىمدى يگەرىلۋىن قامتاماسىز ەتۋىمىز كەرەك. مىندەتتەر اۋقىمى كەڭ، ءبىز ولاردى ىسكە اسىرۋىمىز كەرەك»، - دەدى ك. ءماسىموۆ.
