سەناتور ۇشەم تۋعان انالارعا كەزەكسىز پاتەر بەرۋدى تالاپ ەتتى

استانا. قازاقپارات - ۇشەم تۋعان اناعا باسپانا كەزەكسىز بەرىلسىن.

بۇگىن وسىنداي توسىن مالىمدەمە جاساعان سەناتور ۇشەمدەرگە ءبىر پاتەر ءبولىپ بەرە الماي وتىرعان اكىمدەرگە شۇيلىكتى.

قۋانىش ايتاحانوۆ، سەنات دەپۋتاتى:

- ەلىمىزدە جىل سايىن 40-50 ۇشەمدەر دۇنيەگە كەلەدى. الايدا، حالىق سانىن كوبەيتۋگە ۇلەس قوسىپ جاتقان اتا-انالارعا زاڭدى تۇردە قامقورلىق جاسالىپ، باسپانا بەرىلىپ جاتقان جوق. سوندىقتان، زاڭ جوباسىنىڭ 1- بابى، 2- تارماعى، 30- تارماقشاسىنداعى ۇشەم جانە ودان دا كوپ بالا بوسانعان انالارعا مەملەكەتتىك تۇرعىن ءۇي قورىنان كەزەكتەن تىس ءۇي الۋعا قۇقىق بەرىلسىن دەگەن نورما قاراستىرىلسىن.

ۇشەمدى دۇنيەگە اكەلىپ، قازاق سانىنىڭ ارتۋىنا ۇلەس قوسسا دا، باتىر انالاردىڭ ءبىرازى قازىر كىسى ەسىگىندە كۇنەلتىپ ءجۇر. بۇعان دەيىن ەلىمىزدىڭ ءبىراز وڭىرىندەگى، ۇشەمى بار وتباسىلاردىڭ قيىن جاعدايىن كورسەتكەن ەدىك.

جاقىندا عانا، الماتىدا ۇشەم كەلگەن وتباسىنىڭ كۇل-قوقىستىڭ اراسىندا ءومىر ءسۇرىپ جاتقانىن ايتقانبىز. ۇنەمى كوشىپ-قونىپ جۇرەتىندىكتەن بالالارى دا ءجيى اۋىرادى. وسى قورلىق ايتاحانوۆقا جەتكەن بولۋى كەرەك، سەناتور ۇشەمى بار وتباسىلارعا پاتەر ءبولۋ ءۇشىن قانشا قاراجات كەرەكتىگىن دە ەسەپتەپ قويىپتى.

ايتۋىنشا، جىلىنا 400-500 ميلليون تەڭگە بولىنسە، ءۇي ماسەلەسىن شەشۋگە بولادى. ءتىپتى بيۋدجەتتىڭ يگەرىلمەي قالعان اقشاسىن دا پايدالانۋ كەرەك دەپ وتىر.

الايدا، ۇشەمدەردى جارىلقاۋى ءتيىس ۇسىنىسقا شەنەۋنىكتەردىڭ كەلىسە قويۋى كۇمان تۋدىرادى.

«KTK»