ق ر ۇكىمەتىنىڭ قاۋلىسىمەن جاڭا مادەنيەت جانە سپورت ۆيتسە-ءمينيسترى تاعايىندالدى

استانا. قازاقپارات - قازاقستان رەسپۋبليكاسى ۇكىمەتىنىڭ قاۋلىسىمەن عالىم احمەدياروۆ ق ر مادەنيەت جانە سپورت ءمينيسترىنىڭ ورىنباسارى بولىپ تاعايىندالدى.

عالىم احمەدياروۆ 1995 - جىلى قۇرمانعازى اتىنداعى الماتى كونسەرۆاتورياسىن «دومبىرا» ماماندىعى بويىنشا ءبىتىردى. 2001 - جىلى قۇرمانعازى اتىنداعى قازاق ۇلتتىق كونسەرۆاتورياسى «مۋزىكالىق ونەر» ماماندىعىنىڭ اسپيرانتۋراسىن ءتامامدادى.

بۇعان دەيىن ق ر مادەنيەت جانە سپورت مينيسترلىگىنىڭ «قازاق اۋەندەرى» ا ق باسقارعان ع. احمەدياروۆ «قازاقستان ەڭبەك سىڭىرگەن قايراتكەرى» قۇرمەتتى اتاعىنىڭ يەگەرى (2010)، «دارىن» مەملەكەتتىك جاستار سىيلىعىنىڭ لاۋرەاتى (2004)، رەسپۋبليكالىق جانە حالىقارالىق بايقاۋلاردىڭ لاۋرەاتى بولىپ تابىلادى.