تالاي قىزدىڭ ارمانى بولعان اكتەر وتباسىن قۇرعالى جاتىر - فوتو

استانا. قازاقپارات - قازاقستاننىڭ تانىمال اكتەرى سانجار ماديەۆتىڭ جاقىن ارادا وتباسىن قۇراتىنى بەلگىلى بولدى. بۇل تۋرالى اكتەر ءوزىنىڭ Facebook-تەگى جەكە پاراقشاسىندا حابارلادى.

 بولاشاق جارىنا سىرعا سالعاننان كەيىن سانجار ونىمەن بىرگە تۇسكەن سۋرەتىن جاريالاعان.

 شوۋ- بيزنەس سالاسىندا جۇرگەن پروديۋسەر جان مۇقانوۆ ءوزىنىڭ Instagram-داعى پاراقشاسىندا اكتەردىڭ قالىڭدىعىنىڭ ەسىمى ءمولدىر ەكەنىن جازدى. « جاڭا جوبا! مەگادارىندى سانجار ماديەۆ پەن وتە سۇلۋ ءمولدىردىڭ ۇيلەنۋ تويى»، - دەپ حابارلادى جان مۇقانوۆ.

 سانجار ماديەۆ قازاقستاندىقتارعا «ال قىزىل قويان تۋرالى اڭىز» ، « اڭىزدار كىتابى: جۇمباق ورمان»، « ەلەس قۋعان سايىپقىران»، « شىرشالار 2» فيلمدەرى بويىنشا تانىمال بولعان. سانجار بيىلعى جىلدىڭ جەلتوقسانىندا شىعاتىن « ماركو پولو» فيلمى مەن 2015 - جىلى پروكاتقا شىعاتىن « كەنەسارى» تاريحي كارتيناسىنا تۇسكەن.