20:58, 29 - قازان 2014 | GMT +6
شەنەۋنىكتەر پسيحيكالىق تەكسەرۋدەن ءوتۋى مۇمكىن
استانا. قازاقپارات - شەنەۋنىكتەر جۇمىسقا قابىلدانار الدىندا جاپپاي پسيحيكالىق تەكسەرۋدەن ءوتۋى مۇمكىن.
بۇگىن باس پروكۋراتۋرا وسىنداي ۇسىنىس كوتەردى.
ويتكەنى، سوڭعى كەزدە ءىستى بولعان شەنەۋنىكتەردىڭ اراسىندا اياقاستى جۇيكەسى سىر بەرىپ، اۋىرىپ قالاتىن ادەت جيىلەپ كەتىپتى. ال، مۇنداي جاعدايدا قىلمىستىق ءىس توقتاتىلادى.
پروكۋرورلار ءدال وسىلاي اۋىرىپ قالعاندارعا قاتىستى ارنايى تەكسەرۋ جۇرگىزىپ جاعاسىن ۇستاپ وتىر. ويتكەنى، اتقامىنەرلەردىڭ كوبىنە جازادان قۇتىلۋ ءۇشىن جالعان اۋىرىپ قالاتىنى انىقتالعان. اۋىر قىلمىس جاساپ، ۇستالعاننان كەيىن جۇيكەسى سىر بەرگەن دوكەيلەر اسىرەسە الماتى، وڭتۇستىك قازاقستاندا كوپ ەكەن. سوندىقتان كەز-كەلگەن ازامات مەملەكەتتىك قىزمەتكە قابىلدار الدىندا ونىڭ پسيحيكاسى ءجىتى تەكسەرىلمەكشى.
ktk
