قىتايداعى قازاق جاستارى اتپەن توي سەرۋەنگە شىقتى - فوتو

استانا. قازاقپارات - ەل ەسىنەن كوتەرىلىپ، ۇمىت بولا باستاعان سالت- ءداستۇردى قايتا جاڭعىرتۋ ماقساتىندا قىتايداعى قازاق جاستارىنىڭ اتپەن توي سەرۋەنگە شىعىپ، قىزدىڭ جاساۋ- جابدىعىن تۇيەلى كوشپەن شىعارىپ سالۋى سانگە اينالىپ بارادى.

بۇل تۋرالى Xalhar.net سايتىنا سىلتەمە جاساي وتىرىپ Massaget.kz ءتىلشىسى حابارلايدى.

بۇگىندە قازاق اراسىندا توي تەك شاڭىراق كوتەرىپ، وتاۋ تىگۋ نەمەسە قىز ۇزاتۋ ەمەس، باسەكەگە، مال شاشپاقتىققا، ورىنسىز شىعىنعا اينالىپ كەتكەنى بەلگىلى. ءدال وسى ۇردىسكە قارسى بۇل توي يەلەرى ايگىلى كولىك ءمىنىپ، ءسان- سالتاناتقا بەرىلمەي، قازاقتىڭ قايماعى بۇزىلماعان اسىل قاسيەتتەرىن ۇلىقتاۋ ءۇشىن 50 اتقا ءمىنىپ، تۇيە قومداپ، جۇك ارتىپ، قازاققا عانا ءتان ۇلتتىق سانىمەن توي ءراسىمىن اتقارعان.


ەسكەرەر تاعى ءبىر جايت، توي سالتىن بۇلاي اتقارۋ ءبىرىنشى رەت بولىپ وتىرعان جوق. وسىعان دەيىن دە قىتايداعى عالامتور قولدانۋشىلارى ورتاسىندا ۇلكەن ءدۇمپۋ تۋعىزدان تاعى ءبىر توي وتكەن بولاتىن. جاستارىمىزدىڭ قۇلاعىنا التىن سىرعا، قازاقتىڭ كەڭ دالاسى مەن اۋىلداعى قازاقتىڭ بۇگىنگى قال- كۇيى بۇل باستاماعا سۇرانىپ تۇرعانىن ايتا كەتكىمىز كەلەدى.

  

دايىنداعان: مەيىرجان اۋەلحان ۇلى