08:42, 13 - قازان 2014 | GMT +5
ماكسيم راكوۆ استانادا دزيۋدودان گران-پري ۇتىپ الدى
استانا. قازاقپارات - قازاقستاندىق بالۋان ماكسيم راكوۆ (100 كەلىگە دەيىن) استانادا ءوتىپ جاتقان دزيۋدو دوداسىنىڭ گران-ءپريىن ۇتىپ الدى.
اقتىق سىندا جەرلەسىمىز گەرمانيالىق بالۋان دميتري پەتەرسپەن بەلدەستى. قارسىلاسىنان باسىم تۇسكەن ماكسيم بايراقتى باسەكەنىڭ جەڭىمپازى اتاندى.
راكوۆتىڭ بۇل جۇلدەسى قازاقستان ءۇشىن ءوز ەلىمىزدە وتكىزگەن گران-ءپريدىڭ التىنشى جۇلدەسى بولىپ وتىر. بۇعان دەيىن ەلدوس سمەتوۆ (60 كەلى) التىننان القا تاقسا، جانساي سماعۇلوۆ (66 كەلى) كۇمىس مەدالدى ەنشىلەگەن. سونداي-اق، اسحات تەلمانوۆ (60 كەلى)، ءازيز قالقامان ۇلى (81 كەلى) جانە زارينا ابراسۋلوۆالار (78 كەلىدەن جوعارى) «قولامەن» ماراپاتتالعان.
