قاسيەتتى قۇران ياو تىلىنە اۋدارىلاتىن بولدى
ايتا كەتەيىك، مالاۆي جانە كورشىلەس مەملەكەتتەردەگى مۇسىلمانداردىڭ 99 پايىزى وسى تىلدە سويلەيدى.
«مالاۆيلىك مۇسىلمانداردىڭ كوبىسى دەرلىك وسى تايپا تىلىندە سويلەيدى. سوندىقتان دا بىزگە بۇل تايپانى اتتاپ ءوتىپ، يسلام جايلى ءسوز قوزعاۋدىڭ ءوزى ارتىق»، - دەيدى عۇلامالار كەڭەسىنىڭ مۇشەسى شەيح مۋحامماد ۋسمان. - سونداي- اق، موزامبيك پەن تانزانيا مۇسىلماندارى دا وسى تىلدە ەمىن- ەركىن سويلەي الادى. ولاردىڭ قاسيەتتى جازبا قۇندىلىعىن تولىق ءتۇسىنۋى ءۇشىن ءبىز ياو تىلىنە اۋدارۋدى ءجون سانادىق» .
«سوناۋ 1880 - جىلدارى اراب ساۋداگەرلەرى بۇل ولكەگە يسلام ءدىنىن اكەلگەنىندە، العاش بولىپ يمان كەلتىرگەندەر دە ياو تايپاسى بولاتىن. وسى سەبەپتى، قۇران كارىمدى ياو تىلىنە اۋدارۋ بۇل تايپاعا كورسەتىلگەن قۇرمەت بولارى ءسوزسىز»، - دەدى دوكتور يمران شاريف مۋحامماد ەسىمدى عۇلاما.
بۇگىندە ياو تىلىندە سويلەيتىندەردىڭ سانى شامامەن 2,5 ميلليون ادامدى قۇرايدى.
