بالاما وقۋلىقتان باس تارتىپ، ءبىر پانگە ءبىر وقۋلىق قانا قالدىرۋ كەرەك - د. نازاربايەۆا
«بىزگە قوسىمشا، بالامالى مەكتەپ وقۋلىقتارىن ەنگىزگەنىمىزگە ون جىلدان اسقان جوق پا؟ وسى ون جىلدا نەگە جەتتىك؟ بىرىنشىدەن، ءبىز لوگيستيكانى بەتىمەن جىبەرىپ الدىق.
ەكىنشىدەن، بۇل وقۋلىقتاردىڭ ساپاسى سىن كوتەرمەيدى، سانى كوپ بولعانىمەن ساپاسى جوق. قاپتاعان وقۋلىق بولعاندىقتان، مۇعالىمدەردىڭ ءوزى ءتىپتى كەيدە قاي وقۋلىقپەن وقىتۋدى بىلمەي دال بولادى. دەمەك، بۇرىنعى كەڭەستىك جۇيەگە ورالعان ءجون بولار، ءاربىر پانگە ءبىر عانا وقۋلىق بولسىن. سوندا ەشكىمنىڭ دە باسى قاتپايدى»، - دەدى د. نازاربايەۆا.
سوسىن دەپۋتات بالاما وقۋلىقتىڭ قاجەتتىلىگى ارتىپ وتىرسا، وندا جەرگىلىكتى ورگاندار ونى بيۋدجەتتەن تىس قاراجاتپەن قامتىسىن دەگەن ۇسىنىسىن دا ايتتى. بۇل رەتتە ۆيتسە- سپيكەر اتا- انالار بالالارىنا ءبىلىمدى تەرەڭدەتە بەرگىسى كەلسە، سوندا عانا ولار ءوز قاراجاتىنا بالاما وقۋلىقتاردى ساتىپ الۋعا بولار ەدى، دەگەن پىكىرىل العا تارتتى.
«بىزگە ەشقانداي دا وزگەرتۋگە بولمايتىن ەڭ تومەنگى الەۋمەتتىك ستاندارت، ەڭ تومەنگى كونكورىستىڭ شاماسى دەگەندەر بار. ازايتۋعا دا، كوبەيتۋگە دە بولمايتىن ايلىق ەسەپتىك كورسەتكىشىمىز بار. وقۋلىق تا سونداي بولسا ەكەن، سولاي قارالىق بۇعان. ەشكىم وزگەرتە المايتىنداي بولسىن. شىندىعىندا، وقۋلىقتى ەڭ تومەنگى كۇن كورىستىڭ ەڭ تومەنگى ستاندارتىمەن سالىستىرۋعا بولادى. ويتكەنى ءبىلىم - قازىرگى تاڭداعى ەڭ ەڭ وزەكتى ماسەلە»، - دەدى جيىنعا جەتەكشىلىك ەتكەن ۆيتسە- سپيكەر.
اۆتور: قانات مامەتقازى ۇلى
