ە ا ە و ورگاندارىنىڭ شەشىمدەرى مۇشە ەلدەردىڭ مەملەكەتتىك تىلىنە ۋاقتىلى ءارى ساپالى اۋدارىلۋى ءتيىس - ەلباسى

مينسك. قازاقپارات - ەۋرازيالىق ەكونوميكالىق وداق ورگاندارىنىڭ شەشىمدەرى مۇشە ەلدەردىڭ مەملەكەتتىك تىلىنە ۋاقتىلى ءارى ساپالى اۋدارىلۋى ءتيىس.

بۇل تۋرالى بۇگىن مينسكىدە جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسىندا ەلباسى نۇرسۇلتان نازاربايەۆ ءمالىم ەتتى.

«ءبىزدىڭ ۇلەستەرىمىز باج سالىعىنىڭ ءبولىنۋ دەڭگەيىنە بايلانىستى بولعان كەزدەگى بۇعان دەيىنگى بيۋجەت قالىپتاستىرۋ تاجىريبەمىزدىڭ تيىمدىلىگى از. تولىقتاي العاندا، بىزدەرگە مۇنان دا كوپ جۇمىس كولەمىن اتقارۋ كەرەك. ءبىز ۋاقىت تالابىنان كەش قالماي قارقىندى جۇمىس ىستەۋگە ءتيىستىمىز. بىرلەستىكتەن الاتىن باسىمدىعىمىزدى بيزنەسمەندەرگە، ءبىزدىڭ ەلدەرىمىزدىڭ حالقىنا قاراپايىم تىلمەن تۇسىندىرە الۋىمىز دا بارىنشا ماڭىزدى. بۇل تاقىرىپتا ەشقانداي الىپساتارلىق بولماۋى ءتيىس جانە بارلىق ەلدەردە ىشىندە ازىرلەنۋى ءتيىس. وسى تۇرعىدان العاندا، وداق ورگاندارىنىڭ شەشىمدەرىن، حالىقارالىق شارتتاردى مۇشە ەلدەردىڭ مەملەكەتتىك تىلىنە ۋاقتىلى ءارى ساپالى اۋدارۋ تۋرالى شارت نورماسىن تولىق كولەمدە جۇزەگە اسىرۋ جانە ولاردى جاريالاۋ قاجەت. ارىپتەستەر مەن كوميسسيا بۇل جۇمىستى جەدەلدەتۋى ءتيىس»، - دەدى ق ر پرەزيدەنتى.

سونىمەن قاتار ەلباسى جوعارى كەڭەستىڭ كەلەسى وتىرىسى جەلتوقسان ايىندا ماسكەۋدە وتەتىنىن ايتىپ، سول جيىنعا دەيىن ەكونوميكالىق وداق تۋرالى شارتتى راتيفيكاتسيالاۋ پروتسەدۋرالارى اياقتالاتىندىعىنا سەنىم ارتاتىندىعىن ءبىلدىردى.

 اۆتور: مارلان جيەمباي