قازاقستان ە ا ە و تۋرالى شارتتى راتيفيكاتسيالاۋ پروتسەدۋراسىن اياقتادى - ن. نازاربايەۆ

مينسك. قازاقپارات - قازاقستان ەۋرازيالىق ەكونوميكالىق وداق تۋرالى شارتتى راتيفيكاتسيالاۋ پروتسەدۋراسىن اياقتادى. بۇل تۋرالى بۇگىن مينسكىدە جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسىندا ەلباسى نۇرسۇلتان نازاربايەۆ ءمالىم ەتتى.

«ەكونوميكالىق وداقتى 2015-جىلدىڭ قاڭتارىندا ىسكە قوسۋ بويىنشا جۇمىستار بەكىتىلگەن رەجىمدە ورىندالۋدا. قازاقستان ءوز كەزەگىندە شارتتى راتيفيكاتسيالاۋ پروتسەدۋراسىن قازىردىڭ وزىندە اياقتادى»، - دەدى ەلباسى.

ق ر پرەزيدەنتىنىڭ اتاپ وتۋىنشە، ەكونوميكالىق وداق ورگاندارىنىڭ قىزمەتىن قامتاماسىز ەتۋگە باعىتتالعان جۇمىستار جۇرگىزىلۋدە.

«اتاپ ايتقاندا، بۇگىن ءبىز وداق سوتتارى قىزمەتىمەن بايلانىستى شەشىمدەر جوبالارىن، بيۋجەت قالىپتاستىرۋ ءتارتىبىن قاراستىرامىز. ەۋرازيالىق ەكونوميكالىق كوميسسيانىڭ ءۇشىنشى ەلدەرمەن، ينتەگراتسيالىق بىرلەستىكتەرمەن، حالىقارالىق ۇيىمدارمەن ءوزارا ءىس-قيمىلى تۋرالى شەشىم جوباسى ازىرلەندى. مۇنىڭ بارلىعى ەۋرازيالىق ەكونوميكالىق وداقتى دەر ۋاقىتىندا ىسكە قوسىلۋىن قامتاماسىز ەتۋگە باعىتتالعان. ءبىز ۇسىنىلعان كۇنتارتىبىن قولدايمىز»، - دەدى مەملەكەت باسشىسى.

اۆتور: مارلان جيەمباي