ت م د مەملەكەت باسشىلارى كەڭەسىندە ءبىرقاتار قۇجات راسىمدەلدى

مينسك. قازاقپارات - بۇگىن مينسكىدە وتكەن ت م د مەملەكەت باسشىلارى كەڭەسىنىڭ كەڭەيتىلگەن قۇرامداعى وتىرىسىنان كەيىن مەملەكەتارالىق ىنتىماقتاستىقتى ءتۇرلى سالالاردا دامىتۋعا باعىتتالعان ءبىرقاتار قۇجاتقا قول قويىلدى.

اتاپ ايتقاندا، مەملەكەت باسشىلارىنىڭ - تاۋەلسىز مەملەكەتتەر دوستاستىعىنا قاتىسۋشىلاردىڭ دوستاستىققا قاتىسۋشى مەملەكەتتەردىڭ حالىقتارى مەن الەم جۇرتشىلىعىنا كەڭەس حالقىنىڭ 1941-1945-جىلدارداعى ۇلى وتان سوعىسىنداعى جەڭىسىنىڭ 70 جىلدىعىنا وراي ۇندەۋى، «دوستاستىقتىڭ مادەني استانالارى» مەملەكەتارالىق باعدارلاماسىن 2015-جىلى رەسەي فەدەراتسياسى مەن تاجىكستان رەسپۋبليكاسىندا جۇزەگە اسىرۋ جانە سايكەسىنشە ۆورونەج بەن كۋلياب قالالارىن تاۋەلسىز مەملەكەتتەر دوستاستىعىنىڭ 2015-جىلعى مادەني استانالارى رەتىندە جاريالاۋ تۋرالى شەشىم راسىمدەلدى.

بۇدان بولەك 2016-جىلدى تاۋەلسىز مەملەكەتتەر دوستاستىعىنداعى ءبىلىم جىلى دەپ جاريالاۋ تۋرالى شەشىمگە، تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ زاڭسىز كوشى-قونعا قارسى تۇرۋ جونىندەگى 2015-2019-جىلدارعا ارنالعان ىنتىماقتاستىق باعدارلاماسى تۋرالى، تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ ادام ساۋداسىنا قارسى تۇرۋ جونىندەگى ىنتىماقتاستىعىنىڭ تۇجىرىمداماسى تۋرالى قۇجاتتارعا قول قويىلدى.

اۆتور: مارلان جيەمباي