18:07, 10 - قازان 2014 | GMT +5
قازاقستان ت م د-نى پوستكەڭەستىك ەلدەردى بىرىكتىرەتىن بىرەگەي ساياسي الاڭ رەتىندە قاراستىرادى - ەلباسى
مينسك. قازاقپارات - قازاقستان ت م د-نى پوستكەڭەستىك ەلدەردى بىرىكتىرەتىن بىرەگەي ساياسي الاڭ رەتىندە قاراستىرادى. بۇگىن مينسكىدە وتكەن ت م د مەملەكەت باسشىلارى كەڭەسىنىڭ كەڭەيتىلگەن قۇرامداعى وتىرىسىنان كەيىنگى باسپا ءسوز ءماسليحاتىندا ەلباسى نۇرسۇلتان نازاربايەۆ وسىلاي مالىمدەدى.
«ءبىز بەلارۋس مەملەكەتىنىڭ ت م د-عا 2 جىلدىق ءتوراعالىعى تابىستى بولعانىن اتاپ وتتىك. ەلدەر اراسىنداعى ىنتىماقتاستىق پەن ءوزارا ءىس-قيمىل دامىدى. مەملەكەت باسشىلارى كەلەسى جىلى ءتوراعالىقتى قازاقستانعا بەرۋ تۋرالى شەشىم قابىلدادى»، - دەپ اتاپ ءوتتى ەلباسى.
قازاقستان كوشباسشىسىنىڭ ايتۋىنشا، سامميت قورىتىندىسىندا ت م د اياسىنداعى ىنتىماقتاستىقتىڭ ودان ارى دامۋىنا جاقسى بازا قالىپتاستىراتىن ماڭىزدى قۇجاتقا قول قويىلدى.
«ءبىزدىڭ ءتوراعالىق دوستاستىقتىڭ الەۋەتىن ودان ارى اشۋعا ۇمتىلاتىن بولادى. ءبىز سونىمەن قاتار بەلارۋس ءتوراعالىعى كەزىندە قالىپتاسقان ۇستانىمدارعا سۇيەنە وتىرىپ، ءوز جۇمىسىمىزدى جالعاستىرۋعا نيەتتىمىز»، - دەدى ن. نازاربايەۆ.
