قاراعاندىدا تۇرعىندار كوشەگە جانقوجا باتىر مەن جاياۋ مۇسانىڭ اتىن بەرۋگە قارسى شىقتى

استانا. قازاقپارات - قاراعاندى كەڭەس وداعىنان قالعان كەرتارتپا اتاۋلاردان ارىلۋدا.

قالادا قازىر كوشە اتتارىن اۋىستىرۋ ناۋقانى باستالىپ، جۇرتتىڭ ۇسىنىستارى داۋىسقا سالىنىپ جاتىر.

الايدا كوممۋنيستىك داۋىردەن بەرى كەلە جاتقان العاشقى ءتورت كوشەنىڭ اتاۋىن وزگەرتۋگە وڭەشىن جىرتىپ قارسى شىققاندار بولدى.

شاحتوسترويتەلنايا جانە وكتابر ريەۆوليۋتسياسىنىڭ 40 جىلدىعى اتىنداعى كوشەلەرگە قاراعاندى وڭىرىندە ءتۇرلى باسشىلىق قىزمەتتە بولعان سوپىجان اشليايەۆ پەن باتىر راقىمجان قوشقاربايەۆتىڭ ەسىمدەرىن بەرۋ ماسەلەسى ىڭ-شىڭسىز قولداۋ تاپقان.

الايدا نوۆوسەلوۆ كوشەسىنە جانقوجا باتىردىڭ ەسىمى ۇسىنىلعاندا، الگى كوشە تۇرعىندارىنىڭ توبە شاشتارى تىك تۇردى. ءبىرى ەسكى اتاۋعا تيىسپەڭدەر دەسە، ەكىنشىلەرى جانقوجانىڭ قاراعاندىعا سىڭىرگەن ەڭبەگى جوق دەپ تۋلادى.

ارحيتەكتۋرنايا كوشەسىنە ۇسىنىلعان جاياۋ مۇسا ەسىمى دە وسىنىڭ كەبىن كيىپ ءبىراز داۋ بولدى. ۇزاق ايتىس-تارتىستان سوڭ زالعا جينالعان 70 كە تارتا ادامنىڭ باسىم داۋىسىمەن 4 كوشەگە ۇسىنىلعان جاڭا ەسىمدەر ماقۇلداندى.

ءبىراق، قاراسى سيرەك قارسى تاراپ، ەندى اتاۋ وزگەرتۋ مۇلدەم دوعارىلسىن دەگەندى دە ايتىپ قالدى.

«KTK»