الەم جازۋشىلارى «اباي جولى» رومان- ەپوپەياسى تۋرالى قانداي پىكىر ايتتى
«اباي جولى» ارقىلى قازىرگى قازاق پروزاسى كۇللى دۇنيەءجۇزى ادەبي كلاسسيكانىڭ شىرقاۋ شىڭىنا شىقتى. «بۇل دا از، - دەدى فرانسۋز جازۋشىسى لۋي اراگون، - الەمنىڭ باسقا ەلدەرىندە دە ونىمەن تەڭ تۇسەتىن شىعارما تابۋ قيىن، بۇل، مەنىڭ ويىمشا، XX عاسىرداعى ەڭ ۇزدىك شىعارمالاردىڭ ءبىرى».
«اباي جولىن» وقىعان كامەرۋن جازۋشىسى بەنجامەن ماتيپ «قازاق نەتكەن عاجايىپ حالىق» دەپ ءوزىن- ءوزى ۇمىتا تاڭىرقاسا، كونستانتين فەدين «ءوزىنىڭ قالاي قازاق بوپ كەتكەنىن بىلمەي قالعان». سوندىقتان دا بۇگىندە ليەۆ تولستويدى وقىماي ورىستى، ونورو دە بالزاكتى وقىماي فرانسۋزدى ءبىلدىم دەۋ قانداي قيىن بولسا، اۋەزوۆتى وقىماي قازاقتى ءبىلدىم دەۋ سونداي قيىن.
«اباي جولىنىڭ» ەنتسيكلوپەديالىق سيپاتى تۋرالى اكادەميك قانىش ساتبايەۆ: «قازاق حالقىنىڭ وتكەنىن زەرتتەگىسى كەلەتىن عالىمنىڭ بىردە- ءبىرى بۇل كىتاپتى جاناپ وتە المايدى: عالىم- فيلولوگ ودان فولكلوردىڭ باي ماتەريالدارىنا قانىعۋمەن قوسا، قازاق ادەبي ءتىلى مەن سوزدىگىنىڭ قاز باسۋى مەن قالىپتاسۋىن كورەدى؛ عالىم- ەتنوگراف قازىر كونە زامانمەن قوسا كونەرگەن نەبىر تۇرمىستىق بەلگىلەر مەن ءومىر قۇبىلىستارىن بىلەدى» - دەپ اسا ادەمى ايتقان.
عابيت مۇسىرەپوۆتىڭ ءوزى «مەن اباي جولىن» ءتورتىنشى رەت قايتالاپ وقىعانىمدا عانا بارىپ ءتۇسىندىم» دەگەن ەكەن. «اباي جولى» ەپوپەياسى دۇنيە ءجۇزى حالىقتارىنىڭ 116 تىلىنە اۋدارىلعان. العاشقى كىتاپتىڭ شىققانىنا بيىل 72 جىل بولادى.
Baq.kz
