20:31, 09 - قازان 2014 | GMT +5
ن. نازاربايەۆ: قازاقستان ۋكرايناداعى جاعدايدىڭ تۇراقتانۋىنا بىرلەسە ارەكەت ەتۋگە بارىنشا دايىن
بريۋسسەل. قازاقپارات - قازاقستان ۋكرايناداعى جاعدايدىڭ تۇراقتانۋىنا بىرلەسە ارەكەت ەتۋگە بارىنشا دايىن. بۇل باتىس پەن رەسەي اراسىنداعى قولدانىستاعى سانكسيالاردىڭ بىرتىندەپ الىنۋىنا نەگىز قالار ەدى.
بۇل تۋرالى ق ر پرەزيدەنتى نۇرسۇلتان نازاربايەۆ ەۋروكوميسسيا ءتوراعاسى جوزە مانۋەل بارروزۋمەن كەزدەسۋدى قورىتىندىلاعاننان كەيىن ءمالىم ەتتى.
«ءبىز ج. بارروزۋ مىرزامەن ەۋروپا جانە ورتالىق ازيا ايماقتارىنىڭ كەڭ اۋقىمدى ماسەلەلەرىن تالقىلادىق. ەكەۋمىزدى دە ۋكراينادا بولىپ جاتقان وقيعالار قاتتى الاڭداتىپ وتىر. سانكسيالار ەشكىمگە دە كومەكتەسىپ جاتقان جوق، اسىرەسە ەۋرو وداق پەن رەسەيدىڭ ەكونوميكالارى زارداپ شەگۋدە. قازاقستان ۋكرايناداعى جاعدايدىڭ تۇراقتانۋىنا بىرلەسە ارەكەت ەتۋگە بارىنشا دايىن. بۇل شيەلەنىسۋشى تاراپتاردىڭ دا، تۇتاس الەم ەكونوميكاسىنىڭ دامۋىنا دا كەدەرگى كەلتىرىپ وتىرعان قولدانىستاعى سانكسيالاردىڭ بىرتىندەپ الىنۋىنا نەگىز قالار ەدى»، - دەپ اتاپ ءوتتى ق ر پرەزيدەنتى ن. نازاربايەۆ.
