قازاقستان ەۋرو وداقپەن دۇنيەجۇزىلىك ساۋدا ۇيىمىنا كىرۋى جونىندە كەلىسسوزدەردى اياقتادى

بريۋسسەل. قازاقپارات - ەلباسى نۇرسۇلتان نازاربايەۆتىڭ بريۋسسەلگە جاساعان جۇمىس ساپارى اياسىندا قازاقستان مەن ەۋروپالىق وداق اراسىندا ق ر- دىڭ دۇنيەجۇزىلىك ساۋدا ۇيىمىنا كىرۋى جونىندەگى ەكىجاقتى كەلىسسوزدەردى اياقتاۋ تۋرالى بىرلەسكەن قۇجاتقا قول قويىلدى.

 ق ر پرەزيدەنتى نۇرسۇلتان نازاربايەۆ پەن ەۋروكوميسسيا ءتوراعاسى جوزە مانۋەل بارروزۋ قاتىسقان راسىمدە قۇجاتقا قازاقستاندىق تاراپتان ەكونوميكالىق ينتەگراتسيا ءىسى جونىندەگى مينيستر جانار ايتجانوۆا، ال ەۋروپالىق تاراپتان ساۋدا ماسەلەلەرى جونىندەگى ەۋرو كوميسسار كارل دە گيۋحت قول قويدى.

بۇگىن ءبىز ج. بارروزۋ مىرزامەن ەۋروپالىق وداق پەن قازاقستان اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى جاڭا كەلىسىم كەلىسسوزدەرىنىڭ اياقتالعانىن رەسمي قۋاتتادىق. سونىمەن قاتار، قازاقستاننىڭ ەۋرو وداقپەن د س ۇ- عا كىرۋ تۋرالى اراداعى كەلىسسوزدەرى اياقتالعانى تۋرالى قۇجاتقا قول قويىلدى. بۇل ەكەۋى دە ءبىزدىڭ ەلىمىز ءۇشىن كوپتەن كۇتكەن جانە وتە ماڭىزدى قۇجاتتار» ، - دەپ اتاپ ءوتتى ن. نازاربايەۆ.

***

ەۋروپا وداعى (ە و) - حالىقارالىق ساياسي جانە ەكونوميكالىق بىرلەستىك. جالپى سانى 373 ميلليون ادامنان اساتىن حالقى بار ەۋروپا تەرريتورياسىندا ورنالاسقان گەرمانيا، فرانسيا، يتاليا، بەلگيا، نيدەرلاند، ليۋكسەمبۋرگ،  ۇلى بريتانيا، دانيا، يرلانديا، گرەكيا، يسپانيا، پورتۋگاليا، اۆستريا، فينليانديا، شۆەتسيا سياقتى 28 ەلدىڭ ەكونوميكالىق توپتاسۋى.