مۇقاعالي ادەبيەتكە كەلگەندە وعان اق جول تىلەگەن كىم ەدى؟

استانا .قازاقپارات - ءوز زامانىندا لايىق باعاسىن الا الماسا دا وزىنەن كەيىنگىلەر ءۇشىن مارتەبەسى بيىك اقيىق اقىن مۇقاعالي ماقاتايەۆ بۇگىنگى قازاق قاۋىمىنا ەتەنە تانىس. ول نەگىزگى جىر جيناقتارىن كوزىنىڭ تىرىسىندە جارىققا شىعاردى.

دۇنيەدەن وتەر الدىن «رەكۆيەم» اتتى تولعاۋ- ولەڭىن جازدى. شىعارمالارى وزبەك، قىرعىز، ورىس جانە تاعى بىرنەشە تىلدەرگە اۋدارىلدى. اقىننىڭ ادەبي مۇراسىن زەرتتەۋدە 5 كانديداتتىق ديسسەرتاتسيا قورعالىپ، «مۇقاعاليدىڭ اقىندىق مۇراسى» ، «مۇقاعاليدىڭ اقىندىق شەبەرلىگى» ، «ماقاتايەۆ ليريكاسىنىڭ گرامماتيكالىق ەرەكشەلىكتەرى» سىندى ءتۇرلى تاقىرىپتا 700 گە تارتا ەڭبەك جازىلعان. مۇقاعالي ومىردەن وتكەننەن كەيىن قازاقستان جازۋشىلار وداعى مۇقاعالي ماقاتايەۆ اتىنداعى ادەبي سىيلىق تاعايىندادى. كوزى تىرىسىندە ەمەس، ومىردەن وتكەننەن كەيىن 1999 -جىلى وعان ق ر مەملەكەتتىك سىيلىعىمەن قوسا «عاسىر اقىنى» اتاعى بەرىلدى. مۇزبالاق اقىن ءتۇرلى تاقىرىپقا قالام تەربەدى. يماندىلىق، يسلام ءدىنى تۋراسىندا «ءيا، جاراتۋشى اللام» ، «ءدىن- عىلىمنىڭ اناسى» ، «ءيا، اللا» ، «بۇكىل دۇنيە مۇسىلماندارىنا حات» ، «ادام قايدان جارالعان» ، «نە كەرەك، وسى، ادامعا» سەكىلدى ءدىني تاقىرىپتا بىرنەشە ولەڭدەر جازدى. اقىننىڭ تۇڭعىش ولەڭدەرى «قىرمان باسىندا» دەگەن اتپەن «سوۆەتتىك شەكارا» گازەتىندە جاريالاندى. العاش مۇقاعالي تالانتىن باعالاعان ءابدىلدا تاجىبايەۆ: «وزىڭنەن دە جىگەرلىلەۋ، وتتىلاۋ جاس جەتكىنشەك جەتكەندە، ماقتانباسقا بولا ما؟ !» دەگەن ەدى.

baq.kz