ا ق ش-تا قاماۋعا الىنعان قازاقستاندىق ستۋدەنتتەردىڭ جىرى بىتەر ەمەس
بۇل تۋرالى يتار-تاسس حابارلادى.
مايەرس بۇل ماسەلەنى پروكۋراتۋرا وكىلدەرىمەن تالقىلادى، الايدا ەشقانداي شەشىم الىنعان جوق. مايەرس بۇل جاعدايدا ءتاجاياقوۆ قانداي جاۋاپ بەرۋ مۇمكىن ەكەنىن ءتۇسىندىردى. گازەتتىڭ جازۋىنشا، قازاقستاندىق ستۋدەنت ونىڭ كوزىنشە سارنايەۆ قانداي پايىمداۋ ايتقانى جونىندە ءسوز قوزعاۋى مۇمكىن.
ا ق ش بيلىگى ءتاجاياقوۆ جانە سارنايەۆتى بىلەتىن قازاقستاندىق تاعى ءبىر ستۋدەنت - دياس قادىربايەۆ جارىلىستان ءۇش كۇن كەيىن ونىڭ يەلىگىندە پريروتەحنيكا بار سومكە مەن نوۋتبۋكتى جويىپ جىبەرگەن. بۇل لاڭكەستىك اكتىنى تەرگەۋ ءىسىن اناعۇرلىم قيىنداتتى. جاس جىگىتتەر مۇنى جاڭالىقتار شىعارىلىمىنداعى دجوحار سارنايەۆ پەن ونىڭ اعاسى تامەرلاننىڭ سۋرەتىن كورگەننەن كەيىن ىستەگەن.
بوستون سوتىندا 21- شىلدەدە القابيلەر ءتاجاياقوۆقا قاتىستى ايىپتاۋ قورىتىندىسىن شىعاردى. ول ايىپتاۋدىڭ ءتورت تارماعىنىڭ ەكەۋى بويىنشا ايىپتى دەپ تانىلدى. القابيلەر ءتاجاياقوۆ سارنايەۆتىڭ بولمەسىنەن سومكەنى العان، ءبىراق تا نوۋتبۋكتى تاستاماعان. سونىمەن بىرگە، ستۋدەنت سومكەنى لاقتىرۋعا كەلىسكەنى، ءبىراقتا نوۋتبۋكتەن قۇتىلۋعا كەلىسپەگەنى تانىلدى.
ءتاجاياقوۆتىڭ اكەسى ءامىر ىسماعۇلوۆ بۇدان بۇرىن ت ا س س-قا تەرگەۋ قورىتىندىسىندا كوپتەگەن ۇيلەسىمسىزدىكتەر بار ەكەنىن ايتتى، سوندىقتاندا قورعاۋشى اپەللياتسياعا ءوتىنىش بەرمەك. ول سونداي-اق القا بيلەرگە وكىمەت ورىندارى تاراپىنان قىسىم بولۋى مۇمكىن ەكەنىن جوققا شىعارمادى.
