ەتنوگرافيالىق ەكسپەديتسيا مۇشەلەرى اقتوبەگە كەلدى
قالانىڭ ورتالىق كوشەلەرىندە اۆتوشەرۋ، سونىمەن قاتار قازاق-ورىس حالىقارالىق ۋنيۆەرسيتەتىندە جوبانىڭ تانىستىرىلىمى ءوتتى.
«ەكسپەديتسيامىزدىڭ ماقساتى ەلباسىنىڭ قازاقستان حالقىنا ارنالعان جولداۋىنداعى تاپسىرمالار مەن ماقساتتاردى ناسيحاتتاۋ. ەلدىڭ ءار ايماعىنان فوتو مەن بەينەماتەريال جيناپ ءجۇرمىز. ول ەلىمىز تۋرالى فوتوكىتاپ پەن فيلمدەرگە ەنەدى. قازاقستاننىڭ تىنىس-تىرشىلىگىن، كوپۇلتتى رەسپۋبليكانىڭ نەگىزىن كورسەتكىمىز كەلەدى»، - دەدى ەكسپەديتسيا جەتەكشىسى ەۆگەني ريبالكو.
ەكسپەديتسيا باعىتى قازاقستاننىڭ ءاربىر ءوڭىرى ارقىلى وتەدى. ونىڭ قورىتىندىسى بويىنشا اعىمداعى جىلدىڭ قاراشا- جەلتوقسان ايلارىندا مەملەكەت باسشىسىنىڭ قاتىسۋىمەن ارنايى شارا ۇيىمداستىرۋ جوسپارلانىپ وتىر.
شامامەن ەكى ايدىڭ ىشىندە قازاقستاندا قۇراستىرىلعان بەس كولىك ەلىمىزدىڭ بارلىق ايماعى اۋماعىندا ءجۇرىپ وتەدى.
جوبا كۇندەلىكتەرى بەلگىلى بلوگ- پلاتفورمالار مەن الەۋمەتتىك جەلىلەردە، سونىمەن بىرگە http://kzexpedition.kz/ سايتىنا ورنالاستىرىلادى.
