16:43, 08 - قازان 2014 | GMT +5
قازاق ءتىلى ماسەلەسى «نۇر وتاندا» تالقىلانادى
استانا. قازاقپارات - ەرتەڭ «نۇر وتان» پارتياسى ورتالىق اپپاراتىنىڭ عيماراتىندا پارتيانىڭ «قازاقستان. 2017 ماقساتتارى. ۇلتتىق ءىس-قيمىل جوسپارى» سايلاۋالدى تۇعىرناماسىنىڭ «حالىق بىرلىگى» باعىتى بويىنشا ساراپتاما توبىنىڭ كەزەكتى وتىرىسى وتەدى، دەپ حابارلادى پارتيانىڭ باسپا ءسوز قىزمەتىنەن.
وتىرىس بارىسىندا قازاق ءتىلى تەرميندەرىنىڭ رەتتەلگەن قورىن قۇرۋ ماسەلەسى قاراستىرىلىپ، سونداي-اق، مەملەكەتتىك ءتىل ساياساتىن بۇدان ءارى جەتىلدىرۋ جونىندەگى كوميسسيانىڭ 2014 - جىلعى 4 - اقپاندا وتكەن ءبىرىنشى وتىرىسىندا بەرىلگەن تاپسىرمالاردىڭ ورىندالۋ بارىسى تۋرالى اقپارات تىڭدالىپ، تالقىلانادى.
