14:40, 09 - قازان 2014 | GMT +5
استانادا پوليتسيا پولكوۆنيگى سپورت كەشەنىندە قازا تاپتى
استانا. قازاقپارات - استاناداعى «الاتاۋ» سپورت كەشەنىندە 64 جاستاعى زاپاستاعى پوليتسيا پولكوۆنيگى نۇرلان كارمانوۆ قايتىس بولدى، دەپ حابارلايدى ق ر ءى ءى م باسپا ءسوز قىزمەتى.
مالىمەتتەر بويىنشا، ىشكى ىستەر ورگانىنىڭ ارداگەرىنىڭ تاڭەرتەڭگى جاتتىعۋ كەزىندە كەنەت جۇرەگى سىر بەرگەن. وعان مەديتسينالىق جاردەم كورسەتىلگەنىمەن، ءومىرىن ساقتاپ قالۋ مۇمكىن بولماعان.
ايتا كەتەيىك، وسىعان دەيىن، ياعني 17- قىركۇيەك كۇنى «الاتاۋ» سپورت كەشەنىندە تاعى ءبىر قايعىلى وقيعا ورىن العان بولاتىن. ول جولى 34 جاستاعى ىشكى ىستەر قىزمەتكەرى سپورتپەن اينالىسىپ جۇرگەن جەرىندە ومىردەن وزعان.
