ق ر پرەزيدەنتى مەن ەۋرو كوميسسيا باسشىسى ەكىجاقتى ىنتىماقتاستىق پەن حالىقارالىق احۋالدى تالقىلاۋدا

بريۋسسەل. قازاقپارات - بريۋسسەلدە قازاقستان پرەزيدەنتى نۇرسۇلتان نازاربايەۆ پەن ەۋرو كوميسسيا ءتوراعاسى جوزە مانۋەل بارروزۋدىڭ كەزدەسۋى باستالدى.

كەزدەسۋ بارىسىندا تاراپتار قازاقستان مەن ەۋرو وداق اراسىنداعى ىنتىماقتاستىق پەن كەڭەيتىلگەن ارىپتەستىك تۋرالى جاڭا كەلىسىمگە قول قويۋ تۇرعىسىندا ەكىجاقتى ىنتىماقتاستىق ماسەلەلەرىن تالقىلايدى دەپ جوسپارلانۋدا. سونىمەن قاتار، حالىقارالىق كۇن تارتىبىندەگى وزەكتى ماسەلەلەر، سونىڭ ىشىندە ۋكرايناداعى جاعداي بويىنشا پىكىر الماسادى، دەپ حابارلايدى قازاقپارات ءتىلشىسى.

ەۋرو كوميسسيانىڭ باسپا ءسوز قىزمەتىنەن حابارلاعانداي، قازاقستان جانە ەۋروكوميسسيا باسشىلارى 2014 -جىلدىڭ سوڭىنا دەيىن اۋعانستاننان حالىقارالىق كواليتسيا اسكەرىنىڭ شىعارىلۋىنا بايلانىستى ايماقتىق قاۋىپسىزدىك ماسەلەلەرىن، ورتالىق ازياداعى سۋ رەسۋرستارىن باسقارۋ پروبلەمالارىن، سونىمەن بىرگە ەنەرگەتيكا تاقىرىبىنداعى ماسەلەلەردى تالقىعا سالادى.

ەۋروپالىق وداق - قازاقستاننىڭ نەگىزگى ساياسي، ەكونوميكالىق، ساۋدا جانە ينۆەستيتسيالىق سەرىكتەستەرىنىڭ ءبىرى. بۇل كورسەتكىش بويىنشا ول رەسەي مەن قىتايدان وزىق تۇر.

قازاقستاننىڭ سىرتقى ساۋدا اينالىمىنىڭ جارتىسىنان استامى جانە ەلىمىزدىڭ ەكونوميكاسىنا تارتىلعان شەتەلدىك كاپيتالدىڭ 49 پايىزى ەۋرو وداق ۇلەسىندە.

 تاۋەلسىزدىك العاننان بەرى 2014 - جىلدىڭ 1 - توقسانىنا دەيىن قازاقستان ەكونوميكاسىنا قۇيىلعان ەۋروپالىق وداق ەلدەرىنىڭ تىكەلەي ينۆەستيتسياسى شامامەن 92,7 ميلليارد  دوللار  قازاقستان ە و- نىڭ سەنىمدى ءارى جاۋاپتى ەنەرگەتيكالىق سەرىكتەسىنە اينالدى.

ايتا كەتەيىك، و پ ە ك- كە مۇشە ەمەس ەلدەر اراسىندا قازاقستان - رەسەي مەن نورۆەگيادان كەيىنگى ەۋروپاعا ەنەرگيا تاسىمالدايتىن ءۇشىنشى ءىرى مەملەكەت.