قايرات نۇرتاستىڭ اناسى سوت الدىندا جاۋاپ بەرۋى مۇمكىن
جۇلدىزدى ءانشىنىڭ شەشەسى ءارى پروديۋسەرى - گۇلزيرا ايداربەكوۆانىڭ توڭىرىگىندە تۋىنداعان سوڭعى شۋ جاڭا قارقىن الدى.
تامىز ايىندا الماتىدا پروديۋسەر حانىم جول اپاتىنا سەبەپكەر بولعان.
سول جولى 3 كولىك سوقتىعىسقان-دى. ومىرىنە اسا قاۋىپ تونبەسە دە زارداپ شەككەن ءبىر ادام بار اراسىندا. ءبىراق بۇگىن سول جىگىت - 31 جاستاعى ەۆگەني مارينكوۆ قايراتتىڭ اناسىن قاتتى رەنجۋلى ەكەنىن جەتكىزدى.
ايتۋىنشا، مۇلىگىنىڭ قۇنىن وتەمەك تۇگىلى، دەنساۋلىعىن تۇزەتۋگە ايگىلى وتباسى اقشا بەرمەي ءجۇر.
بۇل - 28- تامىزدا الماتىنىڭ ورتالىق كوشەسىنىڭ بىرىندە بولعان جول اپاتى. بەينەجازباعا قاراعاندا، ەرەجەنى كولدەنەڭ شىققان مىنا اق «لەكسۋس» بۇزعان. ءسويتىپ، قاتارىنان ەكى كولىكتى سوعىپ ءوتىپتى.
كەيىن بەلگىلى بولعانداي قىمبات كولىك قازاقستاننىڭ №1- حيت ءانشىسى قايرات نۇرتاسىتىڭ اناسى - گۇلزيرا ايداربەكوۆاعا تيەسىلى ەكەن. رولدە دە ءوزى وتىرىپتى. اسىعامىن دەپ نەگىزگى باعىتتاعى قوس كولىككە جول بەرمەگەن. حاتتاما زارداپ شەككەن ەشكىم بولماعاندىقتان، شىعىن ساقتاندىرۋ كومپانياسىنا جولدانادى دەپ تولتىرىلىپتى.
ءبىراق، ەندى، ارادا ءبىر اي وتكەندە 31 جاستاعى ەۆگەني مارينكوۆ ەسىمدى مىنا جىگىت زارداپ شەكتىم دەيدى. ايتۋىنشا، «لەكسۋس» ونىڭ شاعىن قىزىل كولىگىن اۋدارىپ جىبەرگەن. سول ساتتە بىلىنبەگەنىمەن، ءۇش كۇننەن سوڭ مويىن سۇيەگى سىر بەرە باستاپتى.
ەۆگەني مارينكوۆ، الماتى قالاسىنىڭ تۇرعىنى:
- قازىر كۇردەلى ەم قابىلداپ جاتىرمىن. ميىم شايقالىپ، باس سۇيەگىمە زاقىم كەلگەن. وڭ قولىم جارالانعان. سوسىن مويىنىم جارالانعان. بۇگىنگە دەيىن ەمىمە 400 مىڭ تەڭگەنىڭ شىعىنى كەتتى. قاسىمدا ايەلىم بولعان. قۇداي ساقتاپ، وعان ەشتەڭە بولمادى.
اۋىر جارالاندىم دەگەن جىگىت قازىر مىنا مەديتسينا ورتالىعىنا كەلىپ ەم الىپ ءجۇر ەكەن. ونىسىن راستايتىن قولىندا قاعازدارى دا بار. ەگەر، گۇلزيرا ايداربەكوۆا ءدارى مەن مۇلىك شىعىنىن وتەسە، ونى كەشىرمەككە ءازىر. تەك وعان جۇلدىزدى پروديۋسەردەن «حابار جوق» دەيدى.
ەۆگەني مارينكوۆ، الماتى قالاسىنىڭ تۇرعىنى:
- ەڭ الدىمەن كولىگىمنىڭ قالىپقا كەلتىرىلگەنىن، سوسىن ەم-دومىمنىڭ شىعىنىن وتەلگەنىن قالايمىن. وعان قايرات نۇرتاستىڭ اناسى حابارلاسقان جوق. ءتىپتى دەنساۋلىعىڭ قالاي دەمەدى دە. قازىر اۆدوكات جالداپ جاتىرمىن.
ءبىراق جىگىتتىڭ ءسوزىن پروديۋسەردىڭ ءوزى جوققا شىعارىپ وتىر. گۇلزيرا ايداربەكوۆا جابىرلەنۋشىگە قوماقتى سومادا اقشا دا ۇسىنعان ەكەن.
گۇلزيرا ايداربەكوۆا، پروديۋسەر:
- حابارلاسپادى دەگەن وتىرىك. نەگىزى مەن سوعىلىسقان كەزدە بۇل كىسى كولىگىمنىڭ تۇگەل اقشاسىن تولە دەگەن بولاتىن. 4 مىڭ 800 دولارعا ساتامىن، 4 جارىمعا بەرەمىن دەپ. سوسىن ايتتىم، ونى نە ىستەيمىن، ءوزى تاعى قىتايدىڭ كولىگى. «ۋف» دەسەڭ ۇشىپ كەتەيىن دەپ تۇر. ودان كەيىن جولداسىمنان ميعا سىيمايتىن اقشا سۇرادى. ماشينانىڭ اقشاسى جول دا قالدى.
سوندىقتان پروديۋسەر كەلىنشەك زارداپ شەككەن ازاماتپەن تەك سوتتا جولىقپاققا نيەتتە. ءتىپتى بۇگىندە بەتپە-بەت جۇزدەسكەن ەكەۋى ورتاق شەشىمگە كەلە المادى.
ايتا كەتسەك، گۇلزيرا ايداربەكوۆا بۇعان دەيىن دە ءبىر مارتە سوتقا شاقىرتۋ العان. ءبىراق ول كەزدە ءىس ءانشى ۇلى قايرات نۇرتاستىڭ «پرايم-پلازاداعى» شۋىنا قاتىستى بولعان ەدى.
Ktk.kz
