استانا قالاسىندا «اق تاياق» فەستيۆالىنىڭ جەڭىمپازدارى ماراپاتتالدى
حالىقارالىق زاعيپتار كۇنىنە وراي وتكەن «اق تاياق» سايىسىنىڭ جەڭىمپازدارىن ماراپاتتاۋ ءراسىمى دە وسى كونسەرتتىڭ اياسىندا ءجۇرىلدى. ەلىمىز كولەمىندە 20 مىڭنان استام جانارىنان ايرىلعاندار بار. سولاردىڭ 450 ءى ەلوردا تۇرعىندارى. بۇگىنگى مەرەكەگە سولاردىڭ بارلىعى شاقىرىلعان. بۇل تاعدىر تاۋقىمەتىن كوتەرگەن جانداردىڭ كوڭىلىنە دەمەۋ.
«سوقىرلار قوعامىنا 75 جىلدان استام ۋاقىت بولدى. ال مۇگەدەك جانداردى وڭالتۋ جۇمىستارىن جىل بويى جۇرگىزىپ وتىرامىز. سونىڭ قورىتىندىسى 13- قازان الەمدىك سوقىرلار كۇنى قارساڭىندا «اق تاياق» فەستيۆالىنىڭ اياسىندا شىعادى. بۇگىندە سول شاراعا جينالدىق. ءبىرىنشى ورىنعا ون ادام، ەكىنشى، ءۇشىنشى ورىندارعا 17 ادامنان ون ءتۇرلى سايىستا بارلىعى 44 ادامدى ماراپاتتاۋدامىز. وتكەن جىلى ءبىر ادام كونكۋرستىڭ بارلىق تۇرىنە قاتىسقان. بيىل ءبىر ادام ءبىر عانا سايىس تۇرىنەن باق سىنادى. بارلىعى ۇيدە وتىرعان ادامدار بولعان سوڭ، سولاردىڭ كوڭىلىن كوتەرۋ ءۇشىن، سولارعا سىي-سياپات بەرۋ ءۇشىن وتكىزىلىپ وتىرعان شارا»، - دەدى استانا قالالىق سوقىرلار قوعامىنىڭ ءتوراعاسى قۋانىشبەك تاتەنوۆ.
پرەزيدەنت جىل سايىنعى حالىققا جولداۋىندا مۇمكىندىگى شەكتەۋلى جاندار جايلى «ءبىز ولاردى بەلسەندى ومىرگە تارتامىز، ولار تەك جاردەماقى الىپ قانا قويمايدى، سونىمەن بىرگە، وزدەرىن قوعامنىڭ مۇشەسى، پايدالى ەڭبەككەر رەتىندە سەزىنەتىن بولادى» - دەگەن بولاتىن. بۇل مۇگەدەك جاندارعا ەلىمىزدىڭ جاساپ وتىرعان ەرەكشە قامقورلىعى.
كونگرەسس حولل سارايىندا وتكەن ماراپاتتاۋ سالتاناتىنا دەپۋتاتتار، قوعام مۇشەلەرى جانە جارىم كوڭىل جاندارعا قول ۇشىن سوزىپ، دەمەۋشىلىك جاساپ جۇرگەن ازاماتتار كەلدى.
