سالىقتىق راقىمشىلىق جۇرگىزىلەتىن بولادى
بۇل تۋرالى بۇگىن پارلامەنت ءماجىلىسىنىڭ جالپى وتىرىسىندا ۇلتتىق ەكونوميكا ءمينيسترى ەربولات دوسايەۆ ءمالىم ەتتى.
ەسكە سالايىق، جالپى وتىرىستا «قازاقستان رەسپۋبليكاسىنىڭ كەيبىر زانامالىق اكتىلەرىنە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانعان بولاتىن.
«ۇسىنىلعان سالىقتىق امنيستيانى جۇرگىزۋ سالىق تولەۋشىلەرگە بوساتىلعان قاراجاتتى بيزنەستى دامىتۋعا جۇمساۋعا مۇمكىندىك بەرەدى. بۇنىمەن قوسا، اتالعان شارا ىشكى ينۆەستيتسيالاردىڭ الەۋەتىن كۇشەيتەدى»، - دەدى مينيستر ەربولات دوسايەۆ.
ونىڭ ايتۋىنشا، زاڭ جوباسىنىڭ ماقساتى جاعىمدى كاسىپكەرلىك ورتانى جانە ەلدىڭ ودان ءارى تۇراقتى الەۋمەتتىكەكونوميكالىق دامۋى ءۇشىن جاعداي جاساۋ بولىپ تابىلادى.
«بۇدان بولەك، اۋىل شارۋاشىلىق ونىمدەرىن وڭدەۋدى ىنتالاندىرۋ جانە اگروونەركاسىپ كەشەنى سۋبەكتىلەرىنىڭ باسەكەگە قابىلەتتىلىگىن ارتتىرۋ ءۇشىن ولارعا سالىق سالۋ ءتارتىبى رەفورمالانۋدا. ماسەلەن، ءوز ونىمدەرىن وڭدەۋ كاسىپورىندارىندا نەمەسە مامانداندىرىلعان ورتالىقتارىندا وتكىزگەن جاعدايدا، قوسالقى شارۋاشىلىقتاردىڭ تابىستارى جەكە تابىس سالىعىن تولەۋدەن بوساتىلادى»، - دەيدى ە. دوسايەۆ.
اۆتور: قانات مامەتقازى ۇلى
