ازيا ويىندارىنداعى جەتىستىك ريو-دە-جانەيرودا وتەتىن وليمپياداداعى جەڭىستەرىمىزگە جولاشار بولادى - ەلباسى
مەملەكەت باسشىسى بارلىق قازاقستاندىقتاردىڭ جانە جەكە ءوز اتىنان سپورتشىلاردى قۇتتىقتاپ، ولار ءبىزدىڭ قۇرامانىڭ سپورتتاعى جەڭىستەرىنەن ماقتانىش سەزىمىنە بولەنەتىن ميلليونداعان وتانداستارىمىزدىڭ ءۇمىتىن اقتاعانىن ايتتى.
«ازيا قۇرلىعىنىڭ 45 ەلىنىڭ سپورتشىلارىمەن بولعان قىزۋ باسەكەدە سىزدەر اسا تاباندىلىق، شەبەرلىك جانە جەڭىسكە دەگەن زور ەرىك-جىگەر كورسەتىپ، 84 مەدال، سونىڭ ىشىندە 28 التىن مەدال جەڭىپ الدىڭىزدار. بۇل - قازاقستاننىڭ جازعى ازيا ويىندارىنا قاتىسۋ تاريحىنداعى ەڭ ۇزدىك ناتيجە، جاڭا رەكورد»، - دەلىنگەن قۇتتىقتاۋدا.
قازاقستان پرەزيدەنتى سونداي-اق ءبىزدىڭ قۇرامانىڭ تابىسى ريو-دە-جانەيرودا وتەتىن ХХХІ وليمپيادا ويىندارىنداعى بولاشاق جەڭىستەرىمىزگە جولاشار بولاتىنىن اتاپ وتكەن.
سوڭىندا مەملەكەت باسشىسى سپورتشىلارعا دەنساۋلىق جانە ءارى قاراي دا جەڭىستەر تىلەدى.
