رينات «ق ر قارۋلى كۇشتەرىنىڭ ۇزدىك سەرجانتى» اتاندى
«وتار» 40-اسكەري بازاسىندا بىرنەشە كۇن بويى بارلىق اسكەر تۇرلەرى مەن تەكتەرىنىڭ، وڭىرلىك قولباسشىلىقتاردىڭ، ارنايى اسكەرلەردىڭ، اسكەري وقۋ ورىندارىنىڭ وكىلدەرى قازاقستان ارمياسىنىڭ ۇزدىك سەرجانتى اتاعى ءۇشىن كۇرەستى.
اسكەري قىزمەتشىلەر قويان-قولتىق ۇرىستان، جاۋىنگەرلىك ماشينالاردى جۇرگىزۋدەن، اتىس دايارلىعىنان، رادياتسيالىق، حيميالىق جانە بيولوگيالىق قورعاۋدان، اسكەري توپوگرافيادان، ادەبي-كوركەمدىك بايقاۋدا سايىسقا ءتۇستى.
داۋرەن مىرزابايەۆ، نيكولاي كرۋجالسكي، ساعىندىق تورەقوجايەۆ، ەرزات ەركىنباي سياقتى سەرجانتتار بارلىق ون بەس اتالىم بويىنشا ۇزدىك ناتيجەلەر كورسەتتى. ولارعا سايكەسىنشە بريگادا، باتالون، روتا، ۆزۆود ۇزدىك سەرجانتى اتاقتارى بەرىلدى.
كىشى سەرجانت مارات يبرايموۆ «ۇزدىك بولىمشە كومانديرى» اتاندى.
جىل سايىن وتكىزىلەتىن بايقاۋ اسكەري قىزمەتشىلەردىڭ اسكەري-كاسىپتىك قاسيەتتەرىن ارتتىرۋعا، جاۋىنگەرلىك رۋحى مەن داعدىسىن شىڭداۋعا باعىتتالعان.
