ن. نازاربايەۆ: «سامۇرىق- قازىنا» قورىن ءوزىنىڭ قۇرىلعان ماقساتىنا قايتاراتىن ۋاقىت جەتتى
«ءبىز جاڭا عيماراتتا اسا ماڭىزدى پەرسپەكتيۆالىق، جاھاندىق ماسەلەنى، قازاقستان ەكونوميكاسىن دامىتۋ ماسەلەسىن تالقىلاۋعا جينالىپ وتىرمىز. ءبىز «سامۇرىق- قازىنا» قورىن قۇرعان كەزدە دۇنيە ءجۇزىنىڭ تاجىريبەسىن الىپ، نەگىزگى اكتيۆتەرىمىزدىڭ پايدالىلىعىن، ولاردىڭ اۋقىمىن كوتەرۋ ءۇشىن، الەمدەگى وركەندەگەن ەلدەرمەن تەڭدەي جۇمىس ىستەۋدى قور الدىنا ماقسات ەتكەن بولاتىنبىز. الايدا، دۇنيەجۇزىلىك قارجى- ەكونوميكالىق داعدارىس كەزىندە كومپانيا جۇمىسى وزگەردى. قازىر بۇعان باسقاشا قاراپ، جاعدايىن تۇزەتەتىن ۋاقىت كەلدى» ، - دەدى ن. نازاربايەۆ.
ەلباسى بۇل رەتتە الەمدىك تاجىريبەگە سۇيەنە وتىرىپ، كەلەشەك قادامداردى انىقتاۋدىڭ قاجەتتىگىن اتاپ ءوتتى.
«ءبىز الەمدىك تاجىريبەلەردى سارالاي وتىرىپ، جوعارى تەحنولوگيالىق جانە تيىمدىلىگى جوعارى كومپانيانى قالىپتاستىرۋدى، ەلىمىزدىڭ بايلىعىن ەسەلەيتىن كومپانيانى قۇرۋدى ماقسات ەتتىك. ال «سامۇرىق- قازىنا» قورى قۇرىلعان سوڭ الەمدىك داعدارىس باستالىپ، ول توتەنشە جاعدايلاردى شەشۋ ءۇشىن كۇردەلى جاعدايلارعا تاپ بولعان بانكتەردىڭ قۇرامىنا ەندى. بانكتەر دە جۇمىسىن قازىر جانداندىرا باستادى. ەندىگى مىندەت - قوردى ءوزىنىڭ قۇرىلعان ماقساتىنا قايتا ورالتۋ»، - دەدى ن. نازاربايەۆ.
اۆتور: قانات مامەتقازى ۇلى
