ەلباسى ءو. شوكەيەۆكە «سامۇرىق- قازىناعا» جۇمىس ىستەگىسى كەلەتىن جاستاردى تارتا الماسا قىزمەتىنەن كەتەتىنىن قاتاڭ ەسكەرتتى

استانا. قازاقپارات - بۇگىن «سامۇرىق- قازىنا» ۇ ءا ق» ا ق ترانسفورماتسيا فورۋمى بارىسىندا ەلباسى نۇرسۇلتان نازاربايەۆ ءومىرزاق شوكەيەۆكە قورعا جۇمىس ىستەگىسى كەلەتىن جاستاردى تارتا الماسا قىزمەتىنەن كەتەتىنىن قاتاڭ ەسكەرتتى.

«ماعان جوعارىدا ەل ءۇشىن، ءوزى ءۇشىن جۇمىس جاساعىسى كەلەتىن جاس ادامداردىڭ ءتىزىمى مەن سۋرەتتەرىن كورسەتتى. ولاردى كومپانياعا قالاي تارتۋ قاجەتتىگى - بۇل ماڭىزدى ماسەلە بولماق. بۇل ادامداردى بىلىگى ، تاجىريبەسى، ءبىلىمى بويىنشا قالاي جوعارىلاتۋعا بولادى؟ ياعني، بىزدە جەتكىلىكتى باسقا دا ۇستانىمدارمەن ەمەس ىستەگەن ىسىنە بايلانىستى. قوڭىراۋ شالسا، تانىسى بولسا جەتكىلىكتى جانە ونداي ادام جۇمىسقا ورنالاسىپ جاتادى. ولار ول جاقتا بوس وتىر. مىنە، بۇل باستى مىندەت جانە شوكەيەۆ مىرزا وسى مىندەتتەردى اتقارا الساڭ، ارى قاراي جۇمىس ىستەيسىڭ. اتقارا الماساڭ، جۇمىس ىستەمەيتىن بولاسىڭ»، - دەدى ەلباسى قوردىڭ باسقارما ءتوراعاسى ءو. شوكەيەۆكە قاراتا.

سونىمەن قاتار مەملەكەت باسشىسى بۇگىنگى جيىندا كومپانيانى دايىندىعى جوق ادام باسقارسا تابىسقا جەتۋ مۇمكىن ەمەستىگى ءادىل ايتىلعاندىعىن باسا ايتتى.

«ساعان قاجەتتىگىنىڭ بارلىعىن ءبىز ساعان بەرەمىز. جاسا. جاساي الماساڭ جۇمىس ىستەمەيسىڭ. بىزدە ناقتى جۇمىس جوسپارى بولۋى ءتيىس»، - دەدى ق ر پرەزيدەنتى.

اۆتور: مارلان جيەمباي