ەلباسى ن. نازاربايەۆ استاناداعى «ازىرەت سۇلتان» مەشىتىندە قۇربان ايت نامازىن وقىدى - فوتو
سودان كەيىن ب ا ق وكىلدەرىنە سۇحبات بەرىپ، بارشا قازاقستان مۇسىلماندارىن وسىناۋ ۇلىق مەيراممەن قۇتتىقتادى.
«بۇكىل دۇنيەجۇزى مۇسىلماندارى بۇگىن ءبىزدىڭ ۇمبەتىمىزدىڭ ەڭ ۇلىق مەرەكەسى - قۇربان ايت مەيرامىن شاتتىقپەن اتاپ وتۋدە. پايعامبارىمىزدىڭ جولىمەنەن جاسالاتىن بۇل قۇدىرەتتى كۇندە بارشامىزعا اللادان دەنساۋلىق، جاقسىلىق، باق-بەرەكە تىلەپ جاتقان حالقىمىز بار.
سول تىلەكتەردىڭ بارلىعى ورىندالسىن. شالعان قۇرباندارىن اللا قابىل السىن، نيەتتەرى قابىل بولسىن. ەلىمىز امان، جۇرتىمىز تىنىش بولسىن. ءار جانۇيادا جاقسىلىق پەن بەرەكە بولسىن. ءبىزدىڭ تاۋەلسىزدىگىمىزدىڭ عۇمىرى ۇزاعىنان بولسىن. قازاقستاندىقتاردىڭ، ەلىن سۇيگەن ازاماتتاردىڭ بارلىعىنىڭ جۇرەگىنە ماحاببات، وتانشىلدىق سەزىمدەرى پايدا بولسىن. وسى ارقىلى ءبىز مەيىرىمدىلىك، قايىرىمدىلىق جولىندا بولايىق. سوندا بارلىق تىلەكتەرىمىز قابىل بولادى. بارلىق دۇنيەدەگى مۇسىلمانداردى، قازاقستان مۇسىلماندارىن وسىناۋ ۇلى مەرەكەمەن قۇتتىقتايمىن»، - دەدى ق ر پرەزيدەنتى.
