ب. وبامانىڭ قۇپيا قىزمەتىنە كوز ءتيدى مە؟

استانا.قازاقپارات - جاقىندا عانا باسشىسى ءوز ەركىمەن ورنىن بوساتقان ا ق ش پرەزيدەنتىنىڭ قۇپيا قىزمەتى وسىدان ءبىر اپتا بۇرىن باراك وبامانىڭ كەشكى قوناقاسىنا ەمىن- ەركىن كىرىپ كەتكەن بەيتانىس ادامدى وتكىزۋگە رۇقسات بەرگەنىن مويىندادى.

 Bloomberg اگەنتتىگىنىڭ حابارلاۋىنشا، وقيعا 27 - قىركۇيەك كۇنى ۆاشينگتوندا ا ق ش پرەزيدەنتىنىڭ اتىنان بەرىلگەن سالتاناتتى كەشكىلىك اس كەزىندە بولعان. اق ءۇي قوجايىنى ءسوز سويلەپ جاتقان ساحنا سىرتىندا ءوزىن كونگرەسشى- دەموكرات رەتىندە تانىستىرعان بەيتانىس جان باتىل تۇردە ىشكە ەنىپ جۇرە بەرگەن. نيۋ- دجەرسي شتاتىنان سايلانعان كونگرەسشى كىشى دونالد پەينمىن دەپ الداعان ادامنىڭ جاۋابىنا اق ءۇي قىزمەتكەرلەرىنىڭ ءبىرى كۇدىكپەن قاراسا، ەكىنشىسى كىرۋگە رۇقسات بەرگەن. جالپى سوڭعى ءبىر ايدىڭ ىشىندە تۋىنداعان بۇعان دەيىنگى قوس بىردەي وقيعا اقىرى ا ق ش قۇپيا قىزمەتىنىڭ ديرەكتورى دجۋليا پيرسوننىڭ مەرزىمىنەن بۇرىن جۇمىستان كەتۋىنە سەبەپ بولعانى بەلگىلى. ناقتىراق ايتقاندا، قولىنا پىشاق ۇستاعان پۋەرتوريكالىق ازاماتتىڭ اق ءۇي قورعانىنان قارعىپ، رەزيدەنتسياعا ۇمتىلۋى پرەزيدەنتتىڭ قاۋىپسىزدىك قىزمەتىن اياقتارىنان تىك تۇرعىزعان ەدى. ەكىنشى جاعداي -  باراك وبامانىڭ اتالانتاداعى ساپارىندا جەدەلساتى ىشىندە قارۋلانعان جەكەمەنشىك كۇزەتشىگە كەزدەسوق تاپ بولۋى. كومپانيا كۇزەتشىسى تاريحي ءساتتى پايدالانىپ دەرجاۆا باسشىسىن تەلەفونىمەن سۋرەتكە دە، بەينەتاتاسپاعا ءتۇسىرىپ ۇلگەرگەن. ارەكەتىنە دەرەۋ تىيىم سالىنعان ونىڭ بۇرىن- سوڭدى 3 رەت سوتتالعاندىعى انىقتالىپ وتىر.

 اۆتورى: جىگەر سارسەن

24.kz