16:18, 03 - قازان 2014 | GMT +5
قازاقستان مەن ازەربايجان ب ا ق-تارىنىڭ ىنتىماقتاستىعى نىعايىپ كەلەدى
باكۋ. قازاقپارات - بۇگىن باكۋدەگى IV حالىقارالىق گۋمانيتارلىق فورۋم اياسىندا «قازاقپارات» حالىقارالىق اقپارات اگەنتتىگى مەن ازەرتادج ازەربايجان مەملەكەتتىك تەلەگراف اگەنتتىگىنىڭ اراسىندا اقپاراتتىق الماسۋ ورناتۋ تۋرالى كەلىسىم جاسالدى.
كەلىسىمگە «قازاقپارات» اگەنتتىگىنىڭ باسشىسى داۋرەن دياروۆ پەن ازەرتادج اگەنتتىگىنىڭ باس ديرەكتورى اسلان اسلانوۆ قول قويدى.
كەلىسىم بۇدان ءارى ەكىجاقتى ىنتىماقتاستىقتى نىعايتۋعا، اقپاراتتارمەن جانە باسقا دا ماتەريالدارمەن ءجيى الماسۋعا، جۋرناليستەردى ءىس-تاجىريبەدەن وتكىزۋگە نەگىزدەلگەن.
ەسكە سالا كەتەيىك، باكۋ حالىقارالىق گۋمانيتارلىق فورۋمى - بۇل الەمنىڭ ساياسي، عىلىمي جانە مادەني زيالى قاۋىمى وكىلدەرىنىڭ قاتىسۋىمەن وتەتىن جىل سايىن ۇيىمداستىرىلاتىن شارا. ونىڭ اياسىندا سونداي-اق نوبەل سىيلىعىنىڭ عىلىمنىڭ ءتۇرلى سالالارى بويىنشا لاۋرەاتتارى مەن ىقپالدى حالىقارالىق ۇيىمداردىڭ باسشىلارى باس قوسادى.
بۇل فورۋمدى وتكىزۋ تۋرالى باستامانى ازەربايجان رەسپۋبليكاسى مەن رەسەي فەدەراتسياسىنىڭ پرەزيدەنتتەرى كوتەرگەن.
