الەمدىك دەڭگەيدە تويلاناتىن قۇربان ايت ادامزاتتى ىزگىلىككە شاقىراتىن ۇلىق مەرەكە - ن. ءسادۋاقاسوۆ
«الەمدىك دەڭگەيدە تويلاناتىن قۇربان ايت ادامزاتتى جاقسىلىققا، ىزگىلىك پەن يماندىلىققا شاقىراتىن ۇلىق مەرەكە. تاۋەلسىزدىك العان ۋاقىتتان بەرگى كەزەڭدە ەلىمىز الەۋمەتتىك- ساياسي، ەكونوميكالىق تۇرعىدان وركەندەسە، ءدىني تاتۋلىق پەن ۇلتتىق بىرلىك ەل دامۋىنىڭ بەرىك نەگىزىنە اينالدى. ءداستۇرلى دىندەر ادامگەرشىلىك قاسيەتتەردىڭ نەگىزىن قالاپ، قوعامنىڭ رۋحاني مادەنيەتىن قالىپتاستىرىپ، مەيىرىمدىلىكتىڭ، ادالدىقتىڭ، جومارتتىقتىڭ، جاناشىرلىقتىڭ بارشاعا ورتاق قۇندىلىقتارىن تاراتاتىنى ءسوزسىز» ، دەلىنگەن قۇتتىقتاۋ حابارلاماسىندا.
«قۇرمەتتى قوستانايلىقتار! بارشاڭىزدى مۇسىلمان قاۋىمىنىڭ قاسيەتتى مەيرامى - قۇربان ايت مەرەكەسىمەن قۇتتىقتايمىن! ويعا العان ىزگى ىستەرىمىز ورىندالىپ، ءاربىر ۇيگە باق پەن داۋلەت ورناي بەرسىن! بارشاڭىزعا تاتۋلىق، جاقسىلىق پەن قۇت- بەرەكە تىلەيمىن!» - دەپ ىزگى تىلەگىن ءبىلدىردى ءوڭىر باسشىسى.
