ادامنىڭ ءومىر ءسۇرۋ ۇزاقتىعىن انىقتايتىن ساعات ويلاپ تابىلدى
گادجەتكە كوپشىلىك «اجال ساعاتى» دەگەن اتاۋ بەرىپ تە ۇلگەرگەن. الايدا ونى جاساعان فرەدريك كولتينگ ونى «تيككەر» دەپ اتادى.
ساعاتتى دۇرىس ىسكە قوسۋ ءۇشىن ونىڭ يەسى ارنايى ساۋالناما تولتىرۋى كەرەك. وعان ءوزىنىڭ قانداي اۋرۋلارمەن اۋىرعانى تۋرالى اقپاراتتاردى ەنگىزەدى. سونىمەن قاتار ول ءوزىنىڭ الكوگول مەن تەمەكى ونىمدەرىن قانشالىقتى تۇتىناتىنىن، اۋلەتىندە قاتەرلى ىسىك، سۋسامىر جانە باسقا دا دەرتتەرمەن اۋىرعانداردىڭ بولعان- بولماعانىن دا نازارعا الۋى ءتيىس.
ساعات تاعۋشىلاردان قوسىمشا ولاردىڭ سپورتقا اۋەستىگى، دەنە سالماعىنىڭ قانشا ەكەنى سۇرالادى. جينالعان مالىمەتتەر نەگىزىندە پايدالانۋشىنىڭ قازىرگى جاسى ەسەپتەلىپ، وسىلايشا ونىڭ مىنا دۇنيەدەگى تۇز- ءدامىنىڭ قاشان تاۋسىلۋى مۇمكىن ەكەندىگى جايلى جالپى اقپارات جاسالادى. «تيككەر» ساعاتىنىڭ قۇنى - 80 دوللارعا جۋىق.
