12:22, 02 - قازان 2014 | GMT +5
ساپارلاپ بارىپ، قايتقانىڭ ءۇشىن سالىق تولەيسىڭ
استانا. قازاقپارات - 1- قازاننان باستاپ تۋنيس بيلىگى شەتەلدىك تۋريستەر ءۇشىن ەلدەن كەتۋ سالىعىن ەنگىزدى: ەلدەن شىعۋ ءۇشىن شەتەلدىكتەر قۇنى 30 دينار (17 دوللاردان ءسال استام) تۇراتىن ارنايى ماركانى ساتىپ الۋلارى ءتيىس.
سالىق ەسەبىنەن جينالعان قارجى مەملەكەتتىڭ تۋريستىك ينفراقۇرىلىمىن جاقسارتۋعا جۇمسالماق، دەپ حابارلايدى ۆەستي.
الدىن الا ەسەپتەۋلەر بويىنشا، جاڭا سالىق ءتۇرى 2014-جىلدىڭ سوڭىنا دەيىن تۋنيس قازىناسىنا 40 ميلليون دينار (23 ميلليون دوللار) قۇيۋى ءتيىس، ال 2015-جىلى بۇل سوما 120 ميلليون ديناردى (69 ميلليون دوللار) قۇراماق.
