12:16, 02 - قازان 2014 | GMT +5
اسانالى ءاشىموۆ باستاعان توپ ەل وڭىرلەرىن ارالاۋعا كىرىستى
استانا. قازاقپارات - شىمكەنتكە قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى اسانالى ءاشىموۆ باستاعان توپ كەلدى.
قازاقستان كينەماتوگرافياشىلار وداعىنىڭ مۇشەلەرى «وڭتۇستىك قازاقستان» رەداكسياسىنىڭ باسپا ءسوز كلۋبىندا جۋرناليستەرمەن كەزدەستى. جيىننىڭ ماقساتى - ەلدى قورعاپ جۇرگەن ازاماتتاردى، ياعني شەكاراشىلاردى مادەنيەت سالاسىنداعى جاڭالىقتاردان حاباردار ەتۋ.
باس قوسۋدا قازاق كينو سالاسىنىڭ دامۋ دەڭگەيى مەن كادردان تىس قىزمەتتىڭ «قىزىعى مەن شىجىعى» ءسوز بولدى. اسانالى ءاشىموۆ مادەنيەت سالاسى قىزمەتكەرلەرىنىڭ وسى ساپارلارى قازاق كينوسىنىڭ نەگىزىن قالاۋشىلاردىڭ ءبىرى شاكەن ايمانوۆتىڭ 100 جىلدىعىنا ارنالعانىن ءمالىم ەتتى.
قازاقستان كينەماتوگرافياشىلار وداعىنان قۇرالعان توپ الداعى كۇندەرى ەلىمىزدىڭ بارلىق وڭىرلەرىندەگى شەكارا قىزمەتكەرلەرىمەن كەزدەسۋ وتكىزۋدى جوسپارلاپ وتىر، دەپ حابارلايدى و ق و اكىمى اپپاراتىنىڭ باسپا ءسوز قىزمەتىنەن.
