09:15, 02 - قازان 2014 | GMT +5
الماتى جەڭە مە، بەيجىڭ جەڭە مە؟
استانا. قازاقپارات - نورۆەگيا وسلودا 2022-جىلعى قىسقى وليمپيادا ويىندارىن وتكىزۋگە بەرگەن ءوتىنىشىن قايتىپ الدى، دەپ حابارلايدى ر-سپورت.
بۇعان ۇكىمەتتىڭ ءتيىستى قارجىلىق كەپىلدەمە بەرۋگە دايىن ەمەستىگى سەبەپ بولىپ وتىر. وسلونىڭ قارجىلىق قولداۋ كورسەتۋ جونىندەگى وتىنىشىنە سارسەنبى كۇنى نورۆەگيانىڭ كونسەرۆاتيۆتىك پارتياسى قارسى داۋىس بەردى.
حالىقارالىق وليمپيادالىق كوميتەت (ح و ك) شىلدە ايىندا وسلو، الماتى (قازاقستان) جانە بەيجىڭدى (قىتاي) 2022-جىلعى وليمپيادانى وتكىزۋگە ۇمىتكەر ەتىپ بەكىتكەن ەدى.
بۇدان بۇرىن ستوكگولم (شۆەتسيا)، كراكوۆ (پولشا) جانە لۆوۆ (ۋكراينا) ويىنداردى وتكىزۋدەن باس تارتقان بولاتىن.
ەسكە سالا كەتسەك، وليمپيادا استاناسى 2022-جىلعى جازدا مالايزيادا بەلگىلى بولادى. 2014-جىلعى قىسقى وليمپيادا ويىندارى سوچيدە وتسە، 2018-جىلعى استاناسى وكتۇستىك كورەيالىق پحەنچحان بولىپ وتىر.
