ق ر تۇڭعىش پرەزيدەنتى مۋزەيىندە «بۇحار امىرلىگىندەگى بيلىك ەليتاسىنىڭ مادەنيەتى» اتتى كورمە اشىلادى
2014 - جىلدىڭ تامىز ايىندا ءوزىنىڭ 10 جىلدىق مەرەيتويىن اتاپ وتكەن ق ر تۇڭعىش پرەزيدەنتىنىڭ مۋزەيى وتاندىق جانە شەتەلدىك سەرىكتەستەرمەن تابىستى شىعارماشىلىق بايلانىستاردى دامىتا وتىرىپ، تاۋەلسىز قازاقستاننىڭ جەتىستىكتەرى مەن مادەني مۇراسىن ناسيحاتتاۋشى مادەني ىنتىماقتاستىقتىڭ ايگىلى ورتالىعى بولىپ تابىلادى، دەپ حابارلايدى اتالمىش مۇراجايدىڭ باسپا ءسوز قىزمەتى.
رەسەي ەتنوگرافيالىق مۋزەيىنىڭ نەگىزى 1902 - جىلى III الەكساندر پاتشانىڭ ورىس مۋزەيىندەگى ەتنوگرافيالىق ءبولىمى رەتىندە قالاندى. قازىرگى تاڭدا ر ە م - ەۋرازيا حالقىنىڭ ءداستۇرلى ەسكەرتكىشتەرىن زەرتتەيتىن جانە ساقتايتىن الەمدەگى ەڭ ءىرى ەتنوگرافيالىق مۋزەيلەردىڭ ءبىرى. مۋزەي جيناعىندا زور عىلىمي جانە ەستەتيكالىق قۇندىلىعى بار 500000 نان استام جادىگەر بار: ХVIII-XX عاسىرلارداعى تۇرمىستىق بۇيىمدار، نەگاتيۆتەر، فوتوباسىلىمدار، سۋرەتتەر، كەسكىندەمەلەر. بۇل جەردە شىعىس ەۋروپا، كاۆكاز، ءسىبىر جانە ورتالىق ازيا حالىقتارىنىڭ ەتنوگرافيالىق ماتەريالدارى ورنالاسقان.
ۇلى جىبەك جولى - 1,5 مىڭ جىلداي سان الۋان مادەني ورتالىقتار مەن قۇرلىق وركەنيەتتەرىن - ەجەلگى قىتاي تەرريتورياسىنان باتىس ەۋروپانىڭ قيىر- شىعىسىن توعىستىرعان ەۋرازيا مادەني كەڭىستىگىنىڭ تاريحىنداعى فەنومەن بولىپ تابىلادى. ۇلى جىبەك جولى ارقىلى ادامزاتتىڭ ورتاق مۇراسىنا اينالعان ءارتۇرلى باعىتتاعى سان الۋان مادەني قۇندىلىقتار جەتكىزىلىپ، ىلگەرى ورلەي ءتۇستى. ۇلى جىبەك جولىنىڭ تۇراقتى جۇمىسىن قامتاماسىز ەتۋدە جول تورابىندا ورنالاسقان مەملەكەتتىك قۇرىلىمدار ۇلكەن ءرول اتقاردى. ءوز كەزەگىندە، ۇلى جىبەك جولىنىڭ ەۋرازيالىق ەكونوميكالىق-ساياسي ۇدەرىستەرگە ىقپال ەتۋىنەن ولار وزدەرىنىڭ دامۋىنا قۋاتتى ىنتالاندىرۋعا يە بولدى.
كورمەنىڭ نەگىزگى ماقساتى - كەلۋشىلەردى ورتا شىعىستىڭ ەڭ ماڭىزدى ساياسي ورتالىقتارىنىڭ ءبىرى - بۇحار امىرلىگىنىڭ بيلىك ەليتاسىنىڭ سۋبمادەنيەتىمەن تانىستىرۋ. بيلىك ەليتاسى كوپ ەڭبەكتى قاجەت ەتەتىن قىمبات بۇيىمداردىڭ نەگىزگى تۇتىنۋشىسى بولدى: سالتاناتتى كيىمدەر، ات- ابزەلدەرى، زەرگەرلىك اشەكەيلەر. بۇل زاتتاردىڭ ماڭىزدى بولىگى ديپلوماتيالىق سىيعا ارنالعان.
مۇنداي بىرەگەي زاتتاردىڭ ۇلگىلەرى كاسىبي ەتنوگرافتاردىڭ بۇگىنگى كۇنگە دەيىن ۇزاق ءارى ماقساتتى تۇردە جۇرگىزگەن جۇمىستارىنىڭ ناتيجەسىندە ساقتالدى. كورمەنىڭ زاتتىق كەشەنىنىڭ بايلىعى جانە تۇتاستىعى XIX عاسىرداعى بيلىك ەليتاسى وكىلدەرىنىڭ ومىرىندەگى ءارتۇرلى كورىنىستەرمەن تولىق كولەمدە تانىسۋعا مۇمكىندىك بەرەدى. سونداي-اق ەكسپوزيتسيادا ءسان-سالتانات جانە كيىم، مۋزىكالىق اسپاپتار جانە يسلامدىق عيبادات زاتتارى، شەرۋلىك قارۋ-جاراقتار جانە ات جابدىعى، اۋشى قۇستارمەن اڭ اۋلاۋ كورىنىستەرى ۇسىنىلادى.
«بۇحار امىرلىگىندەگى بيلىك ەليتاسىنىڭ مادەنيەتى» كورمەسى 31 - قازانعا دەيىن جالعاسادى.
