ەلىمىزدە كيىكتەر سانى ارتىپ كەلەدى

استانا. قازاقپارات - ەلىمىزدەگى ەن دالانىڭ ەركەسى سانالاتىن كيىكتەردىڭ سانى ارتىپ كەلەدى.

ماسەلەن، باتىس قازاقستان وبلىسىنداعى ورال پوپۋلياتسياسىنا جاتاتىن اقبوكەن سانى 2000 -جىلداردىڭ باس كەزىمەن سالىستىرعاندا اناعۇرلىم وسكەن.

مامانداردىڭ پايىمىنشا، بۇل ناتيجە جانۋارلاردى مەملەكەت قامقورلىعىنا الۋدىڭ ارقاسىندا مۇمكىن بولىپ وتىر.

ورال پوپۋلياتسياسىنا جاتاتىن كيىكتەر دە نەگىزىنەن وسى اتالعان اۋدانداردىڭ اۋماقتارىن مەكەندەيدى. مامانداردىڭ دا ەڭ الدىمەن وسى توڭىرەكتى شولىپ شىعۋعا تىرىسۋى -  سوندىقتان.

ايتا كەتۋ كەرەك، 2003 - جىلدان باستاپ ەلىمىزدە كيىكتەردى قورعاۋ قولعا الىندى. ناتيجە ايتارلىقتاي. الايدا 2010 - جىلى پاستەرەللەز اۋرۋىنان وڭىردە 12 مىڭ باس كيىك قىرىلىپ قالدى.

دەگەنمەن، سوڭعى جىلدارداعى ساناق كيىكتەردىڭ كوبەيىپ كەلە جاتقانىن كورسەتتى. تەك ورال پوپۋلياتسياسىنا جاتاتىن كيىكتەر سانى 2013 - جىلى 27 مىڭنان اسسا، بيىل 39 مىڭعا جەتىپ وتىر

ءسابيت دۇيسەكەنوۆ، «وحوتزووپروم» ر م ق ك باتىس ايماقتىق فيليالىنىڭ ديرەكتورى:

-  ءبىزدىڭ باستى ماقساتىمىز -  جانۋارلار دۇنيەسىن قورعاۋ جانە وسىمدىك دۇنيەسىن مولايتۋ. كيىك قورعاۋ سالاسىندا كوپ جۇمىستار اتقارىلىپ جاتىر. قازتالوۆ، جانىبەك، بوكەيوردا، تاسقالا جانە جاڭاقالا اۋداندارىندا ۇلكەن ءىس-شارالار جۇرگىزىلۋدە.

عىلىمي زەرتتەۋ ينستيتۋتىنىڭ ماماندارى ءۇستىرت جانە بەتپاقدالامەن قاتار ورال پوپۋلياتسياسىنا جاتاتىن كيىكتەردى دە نازاردا ۇستايدى. سەبەبى ۇدەرە كوشىپ، جەلە جورتىپ جۇرەتىن جەلاياق جانۋارلاردىڭ تۇياعى جايىق وڭىرىنە دە ايتارلىقتاي ءىز قالدىرادى. ۇستالعان كيىكتەردىڭ موينىنا جەرسەرىگى ارقىلى باقىلاناتىن ارنايى قارعىباۋ ورناتىلادى. بۇل قوندىرعىنىڭ كومەگىمەن ماماندار جىل 12 اي بويىنا جانۋارلار تۋرالى تولىققاندى مالىمەت الىپ وتىرادى.

اسلان كەرىمبايەۆ، بيولوگيالىق قاۋىپسىزدىك پروبلەماسى ع ز ي عىلىمي قىزمەتكەرى:

- قازىر سايعاقتى ۇستادىق. ەندى ودان سىنامالار الىپ جاتىرمىز. بۇل سىنامالاردى بيولوگيالىق قاۋىپسىزدىكتەر پروبلەماسى ع ز ي- دا جامبىل وبلىسىنداعى اپارىپ، سول زەرتحانادا زەرتتەيمىز. ءوزىڭىز كورىپ وتىرعانداي، بۇعان 4 مينۋت قانا ۋاقىت بەرىلەدى. وسى ۋاقىت ىشىندە ۇلگەرۋ كەرەك.

رەسمي مالىمەتتەردى سارالاساق، 80 - جىلدارى بەتپاقدالا مەن ءۇستىرت اۋماعىنداعى كيىكتەر سانىنىڭ ميلليونعا جۋىقتاعانىن كورەمىز. ال توقسانىنشى جىلداردان باستاپ بۇل كورسەتكىش كۇرت قۇلدىراي باستايدى. «بوكەن سانىنىڭ كەمۋىنە باستى سەبەپ -  براكونەرلىك ارەكەتتەر. وكىنىشكە وراي، ونداي ارەكەتتەر قازىر دە تيىلماي وتىر. ءتىپتى، ۇشقان قۇس پەن جۇگىرگەن اڭنىڭ دا كيىكتەرگە اكەلەر كەساپاتى جەتكىلىكتى»، - دەيدى ماماندار.

ابىلعازى شامەليەۆ، ب ق و ورمان جانە اڭشىلىق شارۋاشىلىعى ايماقتىق ينسپەكتسياسىنىڭ باس مامانى:

-  جانىبەك اۋدانىنىڭ 3 ازاماتى 9 كيىكتى سويىپ، 18 ءمۇيىزىن كەسىپ جاتقان جەرىندە «وحوتزووپروم» قىزمەتكەرلەرى سول باعىتقا الدىن الا جوسپارلاپ، سولاردىڭ جولىن قۋىپ، ۇستالعان بولاتىن. 9 كيىك 18 ءمۇيىزدى كەسكەندىكتەن ۇكىمەتكە 3 ميلليون 333 مىڭ 600 تەڭگە زالال كەلتىرگەن بولاتىن.

بۇل جولى ماماندار كيىكتەر كوشىپ-قوناتىن جانىبەك، قازتالوۆ، بوكەيوردا، جاڭاقالا جانە تاسقالا اۋداندارىنىڭ اۋماعىنا اۋەدەن بارلاۋ جاسادى. جالپى قورعاۋعا الىنعان جانۋارلاردى باقىلاۋ ماقساتىنداعى ۇشۋ ساپارلارى جىلىنا ءبىر مارتە ۇيىمداستىرىلادى. ال ەلىمىزدە اقبوكەندەردى اۋلاۋعا 2020 -جىلعا دەيىن تيىم سالىنعان.

24.kz