ءساتتى جوبا - ءتاتتى توقاش

 استانا.قازاقپارات - قوستاناي ءوڭىرىنىڭ شالعايىندا جاتقان شاعىن اۋىلداردىڭ تۇرعىندارى «بيزنەستىڭ جول كارتاسى» باعدارلاماسىنا قاتىسىپ، كاسىبىن دوڭگەلەتۋگە ىنتالى.

ءبىراق كەپىلدىككە قويار مۇلىكتىڭ جوقتىعى ولاردىڭ قولىن بايلاپ وتىر. دەسەك تە، ءساتتى ينۆەست- جوبالار جاساپ، مەملەكەتتىڭ قايتارىمسىز گرانتىن ۇتىپ الىپ، جەرلەستەرىن جۇمىسپەن قامتىپ وتىرعان كاسىپكەرلەر دە بارشىلىق. سولاردىڭ ءبىرى -  تورعاي كەنتىنىڭ تۇرعىنى گۇلشات زەينۋللينا. كاسىپكەر پىسىرگەن ءتاتتى توقاشتار بۇگىندە ۇلكەن سۇرانىسقا يە بولا باستادى. كاسىپكەر گۇلشات زەينۋللينا وتكەن جىلى ۇكىمەتتەن 2 ميلليون 700 مىڭ تەڭگە قايتارىمسىز گرانت ۇتىپ الدى. بۇل قاراجات قاجەتتى جابدىقتاردى ساتىپ الۋعا تولىعىمەن جەتتى. بۇگىندە ونىڭ قاراۋىندا 8 ادام جۇمىس ىستەيدى. اۋداننىڭ وزىندە پىسىرىلگەن ونىمدەردىڭ باعاسى دا ارزان.

 گۇلشات زەينۋللينا، كاسىپكەر: - بىزدە وندىرىسىمىزدە كۇنىنە 700 بولكە نان شىعارامىز. ءتۇر- تۇرىمەن 216 باتون شىعارامىز. بالىشتەر 300 دەن استام. تورت، ءتاتتى توقاشتار كۇندەگىسى كۇندە ءوتىپ جاتىر. بۇعان دەيىن تورعايدا مۇنداي ءتاتتى ونىمدەر وندىرەتىن سەح بولعان جوق. تۇرعىندار داستارحان ءسانىن كەلتىرەر ءدامدى سىرتتان الدىرتاتىن. الىس جولدان جەتكەنشە تاعامنىڭ ساپاسى كەميتىن. ايناگۇل يبرايەۆا اۋدان ورتالىعىنا شەگەن اۋىلىنان كەلىپ تۇر. العان تاتتىلەرىن قوناقتارىنا ۇيالماي قويامىن دەپ قۋانادى ول.

 ايناگۇل يبرايەۆا، شەگەن اۋىلىنىڭ تۇرعىنى: - مەن مىسالى بۇل تورتتى ءبىرىنشى رەت الىپ جاتىرمىن. جەرگىلىكتى تۇرعىندار وسى جەردىڭ ءونىمىن ماقتاعان سوڭ، كەلىپ وتىرمىن. تورعايدا قايتارىمسىز گرانت ۇتىپ العاندار ساۋساقپەن سانارلىق بولسا دا، ولاردىڭ ءارقايسىسى ءوڭىردىڭ قاداۋ- قاداۋ ماسەلەلەرىن شەشىپ وتىر. قۋانارلىعى -  كاسىپكەرلىككە بەيىمدەلگەن جاڭا تولقىننىڭ قالىپتاسىپ كەلە جاتقانى.

 اسقاربەك كەنجەعارين، جانگەلدين اۋدانىنىڭ اكىمى: - ەڭ نەگىزگى ماسەلە -  جەرگىلىكتى جەردە بيزنەسپەن اينالىسقىسى كەلەتىن جاستاردى جانە جەكە كاسىپكەرلەردى وقىتىپ، سولاردىڭ بيزنەس- جوسپارلارىن جاساتۋ. بۇل جونىندە وبلىسپەن، «دامۋ» قورىمەن كەلىسە وتىرىپ، وقىتىپ جاتىرمىز. قازىر 50 ءدىڭ ۇستىندە جەكە كاسىپكەرلەردى وقىتىپ، سەرفيتيكاتتارىن الدىق. اۋدان اكىمىنىڭ ايتۋىنشا، جەڭىلدەتىلگەن نەسيەنى العىسى كەلەتىن ازاماتتار كوپ. الايدا وبلىس ورتالىعىنان 600-700 شاقىرىمداپ الىس جاتقان ەلدى مەكەن تۇرعىندارىنىڭ ءۇي- جايى كەپىلگە وتپەيدى. باعدارلامانىڭ يگىلىگىن كورۋگە ۇمتىلعان تورعايلىقتاردى وسى ماسەلە تىعىرىققا تىرەپ تۇر.

 اۆتورلارى: ابىلاي ماۋدانوۆ، ەرمەك مۇحامەدياروۆ

24.kz