09:35, 01 - قازان 2014 | GMT +5
جاپون تەڭىزىنە قىتاي كەمەسى باتىپ كەتتى
استانا. قازاقپارات - جاپون تەڭىزى اۋماعىندا قىتايدىڭ بالىق اۋلاۋ كەمەسىنىڭ اپاتقا ۇشىراۋىنان توعىز ادام ءىز- ءتۇسسىز جوعالىپ كەتكەن.
تەك بەس بالىقشى امان قالدى. بۇل تۋرالى جاپون تەڭىزىنىڭ جاعالاۋ كۇزەتى قىزمەتكەرلەرى حابارلادى.
وقيعا وتكەن ءتۇنى جاپونيا ارالدارىنىڭ ءبىرى وكي ارالىنان شامامەن 390 شاقىرىم جەردە بولعان. ازىرگە ق ح ر جالاۋىن جەلبىرەتكەن سۋ كولىگىنىڭ اپاتقا ۇشىراۋ سەبەپتەرى بەلگىسىز. جاپوندىق شەكاراشىلار اپات ماڭايىنان جوعالىپ كەتكەندەردى ىزدەستىرىپ جاتىر، دەپ حابارلايدى يتار- ت ا س س.
