قازاقستانعا كەلگەندەر ءوز ەلىنە قايتا كەتىپ جاتىر

ورال. قازاقپارات - سوڭعى بەس جىل بويى قازاقستان اتىنان سىنعا تۇسكەن بولگاريالىق تەننيسشى سەسيل كاراتانچيەۆا تاياۋ ۋاقىتتا قايتادان ءوز ەلىنىڭ نامىسىن قورعاماق. بۇل تۋرالى سپورتشىنىڭ ءوزى بولگاريالىق TV7 تەلەارناسىنا بەرگەن سۇحباتىندا ايتقان.

Sports.kz سايتىنان الىنعان مالىمەتكە قاراعاندا، سپورتشى تۇپكىلىكتى شەشىم قابىلداعان، كەلىسىم-شارتتا ەكىجاقتى كەلىسىمگە سايكەس توقتاتىلاتىن كورىنەدى. س. كاراتانچيەۆا قازىر الەمدىك رەيتينگتە 180- ساتىدا تۇر.

ەسكە سالا كەتەيىك، بۇدان بۇرىن رەسەيلىك كسەنيا پەرۆاك 2011-جىلدىڭ 19- جەلتوقسانىنان 2013-جىلعى 4- تامىزعا دەيىن قازاقستاننىڭ نانىن جەپ، سوسىن ءوز ەلىنە قايتىپ كەتكەن. بۇل وزگەلەردىڭ قايىرى بولمايتىنىن كورسەتەدى.

قازىرگى كەزدە قازاقستان نامىسىن قورعاپ جۇرگەن ياروسلاۆا شۆەدوۆا مەن گالينا ۆوسكوبويەۆا دا - رەسەيدەن كەلگەندەر. قازاقستاننىڭ ءوز قىزى زارينا دياس قانا. ول بيىل الەمدىك رەيتينگتە 39-ساتىعا دەيىن كوتەرىلىپ، قازاق ەلىنىڭ ءبىرىنشى راكەتكاسى اتانىپ وتىر.

اۆتور: ەلجان ەرالى