نۇرسۇلتان نازاربايەۆ رەسەيدى قازاقستاننىڭ بىرەگەي جوبالارىنىڭ بىرىنە قاتىسۋعا شاقىردى
«قازاقستان مەن رەسەيدە كومىرسۋتەك سالاسىنداعى بىرلەسكەن جۇمىس ءۇشىن ۇلكەن پوتەنتسيال بار. فورۋم اياسىندا ۇيىمداستىرىلعان كورمەنى قاراپ وسىعان كوز جەتكىزدىك. وندا ءبىزدىڭ ەلدەرىمىز ىنتىماقتاستىق ورناتا الاتىن يننوۆاتسيالىق جوبالار كورسەتىلدى»، - دەدى مەملەكەت باسشىسى.
بۇعان مىسال رەتىندە نۇرسۇلتان نازاربايەۆ «ەۋرازيا» جوباسىن كەلتىردى. وندا كاسپي ماڭىنداعى 15 كيلومەترلىك تەرەڭدىكتە بۇرعىلاۋ قاراستىرىلعان. بۇل - قازاقستاننىڭ بىرەگەي جوبالارىنىڭ ءبىرى. جوبا تۋرالى بايانداعان ەلباسى رەسەيلىكتەردى وعان قاتىسۋعا شاقىردى.
ەسكە سالا كەتەيىك، كاسپي ماڭىنداعى ويپاتتىڭ 70 پايىزى قازاقستان، 30 پايىزى - رەسەي اۋماعىندا. كاسپيي ماڭىنداعى شاعىن جانە ورتا تەرەڭدىكتە ونداعان مۇناي جانە گاز كەن وشاقتارى اشىلدى. ونىڭ ىشىندە تەڭىز، قاشاعان، استراحان كەن ورىندارى بار. عالىمدار تەرەڭ ۇڭعىمالاردا كومىرسۋتەكتى شيكىزات كەنى بولۋ مۇمكىندىگىن ايتۋدا.
