19:33, 30 - قىركۇيەك 2014 | GMT +5
نۇرسۇلتان نازاربايەۆ كومىردى قايتا وڭدەۋ سالاسىنا كوبىرەك كوڭىل بولۋگە شاقىردى
اتىراۋ. قازاقپارات - ەلباسى نۇرسۇلتان نازاربايەۆ اتىراۋدا ءوتىپ جاتقان 11- ءوڭىر ارالىق ىنتىماقتاستىق فورۋمى اياسىندا كومىردى قايتا وڭدەۋ سالاسىنا كوبىرەك كوڭىل بولۋگە شاقىردى، دەپ حابارلايدى قازاقپارات ءتىلشىسى.
«بىزدە جۇزدەگەن جىلعا جەتەتىن كومىر قورى بار. كومىردەن سۇيىق وتىن وندىرۋگە بولادى. ويتكەنى جەل ەنەرگەتيكاسى، قاتپارلى مۇناي ءداستۇرلى ەنەرگيا كوزدەرىنىڭ ورنىن باسا المايدى. قۇدايعا شۇكىر، بىزدە وسى شيكىزات كوزى بار، ءبىز ونى ەكسپورتقا شىعارامىز، اقشا تابامىز. وسى قاراجاتقا زاماناۋي يندۋستريانى قۇرۋىمىز كەرەك»، - دەدى قازاقستان پرەزيدەنتى.
