ەلباسى «بورجاقتى - ەرساي» جاڭا تەمىر جولىنىڭ قۇرىلىسىن باستاۋعا رۇقسات ەتتى

اقتاۋ. قازاقپارات - ق ر پرەزيدەنتى ن. ءا. نازاربايەۆ ماڭعىستاۋ وبلىسىنا جاساعان جۇمىس ساپارى بارىسىندا اقتاۋ پورتىن كەڭەيتۋ جوباسىنىڭ جۇزەگە اسىرىلۋىمەن تانىستى جانە «بورجاقتى - ەرساي» جاڭا تەمىر جولىنىڭ قۇرىلىسىن باستاۋعا رۇقسات ەتتى.

«اقتاۋ پورتىن 22 گەكتارعا دەيىن كەڭەيتۋ جوباسىندا قۋاتتىلىقتارى جىلىنا 1,5 ميلليون توننا بولاتىن استىق تەرمينالىن جانە نەگىزگى جۇكتەر مەن كونتەينەرلىك جۇكتەرگە ارنالعان ەكى تەرمينال سالۋ ارقىلى جونەلتىلەتىن جۇكتەردىڭ جالپى كولەمىن جىلىنا 19,5 ملن. تونناعا جەتكىزۋ كوزدەلگەن. جالپى قۇنى 38 ميلليارد تەڭگە بولاتىن جوبانىڭ 1- كەزەڭىن 2014 -جىلدىڭ جەلتوقسانىندا اياقتاۋ جوسپارلانعان»، - دەپ حابارلادى «ق ت ج» ۇ ك باسپا ءسوز قىزمەتىنەن.

ماڭعىستاۋ وبلىسى ەلىمىزدىڭ ەكسپورتتىق-ترانزيتتىك الەۋەتىن دامىتۋدا ماڭىزدى كولىكتىك- لوگيستيكالىق جۇيە بولىپ تابىلادى. «ارقالىق - شۇباركول»، «جەزقازعان - بەينەۋ» تەمىر جول جەلىلەرىن ىسكە قوسۋ، سونداي-اق «قورعاس - شىعىس قاقپاسى» ارنايى ەكونوميكالىق ايماعىن دامىتۋ ارقىلى قىتاي - ەۋروپا، قىتاي - پارسى شىعاناعى ەلدەرى، «قىتاي - يران» باعىتتارىنا جۇكتەردى تاسىمالداۋ ءۇشىن كاسپي جاعالاۋى وڭىرلەرىندە كولىكتىك ينفراقۇرىلىمدى دامىتۋدى قاجەت ەتەتىن تاسىمالداۋدىڭ جاڭا لوگيستيكالىق تىزبەسى قالىپتاسۋدا.

«بورجاقتى - ەرساي» تەمىرجول جەلىسى قۇرىق پورتىندا پاروم كەشەنىن سالۋعا جانە جاعالاۋ ايماعىندا ءبىرقاتار يندۋستريالىق جوبالاردى جۇزەگە اسىرۋعا ينفراقۇرىلىمدىق نەگىز بولادى.

«بارلىق جوبانى ىسكە اسىرۋ ناتيجەسىندە 4 مىڭنان استام جاڭا جۇمىس ورنى قۇرىلادى»، - دەپ اتاپ ءوتتى مەملەكەت باسشىسى.

ماڭعىستاۋ وبلىسىنىڭ تەمىرجول جانە پورت ينفراقۇرىلىمىن دامىتۋعا سوڭعى 5 -جىلدا 200 ميلليارد تەڭگەدەن استام ينۆەستيتسيا قۇيىلدى.