10:42, 30 - قىركۇيەك 2014 | GMT +5
ءجۇز جىل كۇتكەن قىز
استانا. قازاقپارات - بريتانيانىڭ تيۆەرتون اۋىلىندا تۇراتىن سيلۆەرتون اۋلەتىنىڭ شەجىرەسىندە 1913-جىلدان بەرى قىز بالا تۋىپ كورمەپتى. بيىلعى قىركۇيەكتە 43 جاستاعى دجەرەمي سيلۆەرتون مەن 36 جاستاعى دانيەللا ەندريۋز وتباسىندا 100 جىل كۇتكەن قىز بالا جارىق دۇنيەگە كەلدى، دەپ جازادى روسبالت.
عالىمدار ءبىر اۋلەتتەگى تەك ۇل بالا عانا دۇنيە كەلە بەرۋى وتە سيرەك كەزدەسەتىن قۇبىلىس دەپ وتىر.
«ءبىزدىڭ اۋلەتتە تەك ۇل تۋاتىن ەدى. قىز بالا دۇنيەگە كەلگەنىنە قاتتى تاڭقالىپ، قاتتى قۋانىپ وتىرمىن»، - دەپتى جاڭا تۋعان پوپپيدىڭ اتاسى دەۆيد سيلۆەرتون.
پوپپيدىڭ الدىندا ەكى اعاسى بار ەكەن.
