سەمەيدە نەمىس دياسپوراسى باس قوستى
سەمەيلىك «ۆوزروجدەنيەمەن» بىرگە قوستانايدا دا نەمىس دياسپوراسىنىڭ مادەني ورتالىعى، ءبىر جىلدان كەيىن وزگە وبلىستاردا جۇمىس ىستەي باستاعان.
«1990- جىلدارى 800 مىڭنان استام نەمىس قازاقستاننان كەتتى، الايدا 180 مىڭعا جۋىعى رەسپۋبليكامىزدا قالدى. الايدا ولار وزدەرىنىڭ تاريحي وتانىن، ءتىلىن، ۇلتتىق مادەنيەتىن ۇمتقىسى كەلمەيدى. بۇل ءۇشىن قازاقستاننىڭ ءار وڭىرىندە ءبىزدىڭ مادەني ورتالىقتار جۇمىس ىستەپ جاتىر»، - دەدى «ۆوزروجدەنيە» ق ب ءتورايىمى ليليا گونچارۋك.
مەرەكەلىك شارانى ۇيىمداستىرۋشىلار قوناقتارعا نەمىس مادەنيەتى، تۇرمىس، سالتىمەن تانىستىرۋ جاعىنا ءمان بەرگەن. مۇندا نەمىس پولكاسىن ۇيرەنەمىن دەۋشىلەرگە شەبەرلىك ساعاتى بەرىلىپ، نەمىس تاعامدارىنىڭ كونە رەتسەپتەرى ۇسىنىلدى. شارادا «اينحايت» ءانسامبلى ونەر كورسەتتى.
نەمىس دياسپورا وكىلدەرىن مەرەكەلەرىمەن قالا اكىمىنىڭ ورىنباسارى زاۋرەش يسابايەۆا قۇتتىقتادى. «ەلدەگى ەتنوسارالىق كەلىسىمدى نىعايتۋدا نەمىس دياسپوراسىنىڭ قوسقان ۇلەسى مول. «ۆوزروجدەنيا» ق ب نەمىس حالقىنىڭ مادەني داستۇرلەرىن ساقتاۋداعى ورنى بولەك. قالا اكىمىنىڭ اتىنان جانە ءوزىم قازاقستاننىڭ وركەندەۋى جولىندا سىزدەردىڭ بىرلەستىكتەرىڭىزگە جەمىستى جۇمىس تىلەيمىن، - دەدى زاۋرەش رامازان قىزى.
«قالا اكىمىنىڭ ورىنباسارى نەمىس تىلىندە دە لەبىزىن ءبىلدىردى.
شارانىڭ قوناعى بولعان سەمەيلىكتەر نەمىس ءتىلىن ۇيرەتەتىن تەگىن كۋرستارعا جازىلىپ، نەمىس قولونەر شەبەرلەرىنىڭ جۇمىستارىمەن تانىستى»، - دەدى مەرەكەنى ۇيىمداستىرۋشىلار.
